Qyrǵyzstan prezidenti Sooronbai Jeenbekov sońǵy ýaqytta Qazaqstanmen bolyp jatqan qarym-qatynastaǵy máselelerdiń ýaqytsha ekenine jáne onyń barlyǵy jaqynda sheshiletinine senimdi. Bul týraly ol RIA Novosti tilshisine bergen suhbatynda aitty, dep jazady kaz.tengrinews.kz.
"Qyrǵyzstan-Qazaqstan qarym-qatynasy ortaq tarih, mádeniet, rýhani qundylyqtar, kórshilik pen baýyrlastyqqa negizdelgen. Sońǵy kezdegi problemalar ýaqytsha ǵana. Taraptar bul máselelerdi retteý maqsatynda birneshe kelissóz júrgizdi. Jaqyn arada osy máselelerdiń barlyǵy sheshiledi dep senemin", - dedi Sooronbai Jeenbekov.
Aita keteiik, Qyrǵyzstanda prezident sailaýy biyl 15 qazanda ótken bolatyn. Sailaýda sotsial-demokratiialyq partiianyń atynan túsken Sooronbai Jeenbekov 54,75 paiyz daýys jinap, jeńiske jetken edi. Al Qyrǵyz Respýblikasynyń eks-premer-ministri Omýrbek Babanov 33,8 paiyz daýys jinap, ekinshi oryn aldy. Úshinshi orynda "Býtýn Qyrǵyzstan" partiiasynyń basshysy Adahan Madýmarov - 6,47 paiyz daýys.
