Memleket basshysy Qasym-Jomart Toqaev Qyrǵyz Respýblikasynyń Prezidenti Sooronbai Jeenbekovpen telefon arqyly sóilesti, dep habarlaidy "Ult aqparat" Aqordaǵa silteme jasap.
Qyrǵyz Respýblikasynyń Prezidenti Sooronbai Jeenbekov Qasym-Jomart Toqaevty Qazaqstan Respýblikasynyń Prezidenti sailaýyndaǵy jeńisimen quttyqtady.
Taraptar eki el halyqtarynyń tatý kórshilik jáne dostyq negizdegi qazaq-qyrǵyz qatynastaryn odan ári nyǵaitýǵa nietti ekenin naqty aitty.
Sonymen qatar, prezidentter aldaǵy kezdesýlerdiń kestesin qarastyrdy.
Sondai-aq, Qasym-Jomart Toqaev Tájikstan Respýblikasynyń Prezidenti Emomali Rahmonmen telefon arqyly sóilesti.
Tájikstan Prezidenti Emomali Rahmon Qasym-Jomart Toqaevty Qazaqstan Respýblikasynyń Prezidenti sailaýyndaǵy jeńisimen quttyqtady.
Memleketter basshylary Qazaqstan men Tájikstan arasyndaǵy strategiialyq áriptestiktiń odan ári qarqyndy damitynyna senim bildirdi.
Taraptar aldaǵy kezdesýlerdiń kestesin talqylady.
