Búgin Aqordada Qazaqstan prezidenti Nursultan Nazarbaev pen Qyrǵyzstan prezidenti Sooronbai Jeenbekov kezdesti. Memleket basshylarynyń birlesken málimdemesi kezinde Jeenbekov Nazarbaevty Qyrǵyzstanǵa resmi saparmen kelýge shaqyrdy, dep habarlaidy "Ult aqparat" Baq.kz portalyna silteme jasap.
Sooronbai Jeenbekov Nursultan Nazarbaevty Qyrǵyzstanǵa resmi saparmen kelýge shaqyrdy. Qyrǵyzstan basshysynyń aitýynsha, sapar aiasynda Qazaqstan men Qyrǵyzstan arasyndaǵy kezekti Joǵarǵy memleketaralyq keńes otyrysyn ótkizý josparlanyp otyr.
Al, Nazarbaev Jeenbekovpen az ýaqytta kóp máseleniń sheshilgenin aitty.
«Qyrǵyzstan prezidentimen Minsk qalasyndaǵy sońǵy kezdesýden keiin kóp ýaqyt ótken joq. Degenmen, osy kezeńde eki el arasynda qol qoiylǵan shekara, kólik, fitosanitarlyq, veterinarlyq, salyq jáne kedendik baqylaý salasyndaǵy jol kartasy boiynsha mańyzdy jumys atqaryldy. Nátijesinde shekaradaǵy jaǵdai retteldi. Qazir ótkizý pýnkterinde kólik keptelisi joq. Shekarada tártip bolmasa, memleketter arasynda tártip bolmaidy», - dedi Nursultan Nazarbaev.
Esterińizde bolsa, buǵan deiin búgingi kezdesýde Nazarbaev Jeenbekovke Qazaqstannyń Qyrǵyzstanǵa eshqashan til tigizip, jamanshylyq jasamaǵanyn aitqan edi. Sondai-aq, jiynda eki el arasyndaǵy saýda-sattyq kóleminiń artýy da sóz boldy. Sonymen qatar eki el basshysy qazaq-qyrǵyz shekarasyn demarkatsiialaý týraly kelisimge qol qoidy.
