Bishkekte ótip jatqan ulyqtaý saltanatynda sóilegen Qyrǵyzstan prezidenti Sooronbai Jeenbekov qyzmetinen ketip jatqan prezident Almazbek Atambaevqa alǵys bildirip, alǵashqy jarlyǵymen oǵan "Qyrǵyz Respýblikasynyń Batyry" ataǵyn beretinin jáne "Ak-Shýmkar" ordenimen marapattaitynyn málimdedi.
Jeenbekov buǵan qosa sailaýshylar men partiialastaryna ózine senim bildirgeni úshin alǵys bildirdi. "Eldiń taǵdyry - bul árbirimizdiń taǵdyrymyz. Men úshin ómirdiń máni - sizderdiń senimderińizdi aqtaý jáne memlekettilikti nyǵaitý", - dedi Qyrǵyzstan prezidenti.
Ol sonymen qatar Atambaev bastaǵan damý jolyn, memlekettik basqarýdyń parlamenttik formasyn jaqtaitynyn málimdedi.
Sooronbai Jeenbekovti ulyqtaý saltanaty Bishkektegi "Ala-Archa" memlekettik rezidentsiiasynda ótip jatyr.
