Almatyda jedel járdem kóliginiń júrgizýshileri jol erejeleri boiynsha salynatyn aiyppulǵa shaǵymdandy. Olar endi aiyppuldy óz qaltalarynan tóleidi. Osy máselege qatysty qalalyq qoǵamdyq densaýlyq saqtaý basqarma bastyǵynyń mindetin ýaqytsha atqarýshy Janar Madeeva túsinik berdi, dep habarlaidy "Ult aqparat".
Onyń aitýynsha meditsinalyq jedel járdem qyzmeti basshylyǵy bul máseleni únemi baqylaýda ustap, jol politsiiasy basqarmasymen birlesip jumys isteidi.
«Jedel járdem kóligi shaqyrtýǵa shyqqanda mindetti túrde dybystyq dabyl qosylady. Osy kezde jol erejeleri de buzylady. Bul jaǵdaida aiyppuldy júrgizýshiler tólemeidi. Munyń bári jol politsiiasy basqarmasymen pysyqtalyp, aiyppul alynyp tastaldy. Eger kólikte dabyl qosylmasa jáne ol stantsiiaǵa qaityp kele jatqanda buzýshylyqtarǵa jol berilse, onda aiyppul júrgizýshige jiberiledi. Biraq búgingi tańda birde bir júrgizýshi aiyppuldy óz qaltasynan tólegen joq. Biz osy másele boiynsha jol politsiiasymen jumys istep jatyrmyz», - deidi ol.
Sonymen qatar, ol buzylyp qalǵan jedel járdem kóliginiń qosalqy bólshekterin júrgizýshiler satyp almaitynyn jetkizdi.
«Jedel járdem qyzmetiniń avtokólik jóndeý sheberhanalary bar. Bizdiń jedel járdem qyzmeti arnaiy kólik jóndeitin kompaniiamen jumys isteidi. Bul maqsatqa 130 mln astam teńge bólingen. Qajet bolǵan jaǵdaida jóndeýge jiberiledi. Eger jedel járdem kóliginiń buzylýyna júrgizýshi kináli bolsa, onda jóndeý jumystarynyń shyǵynyn júrgizýshi tóleidi», - dep túsindirdi ol.
