Elordada jedel járdem brigadalary men statsionarlyq qabyldaý bólimderiniń arasyndaǵy IV respýblikalyq jarys bastaldy, dep habarlaidy QazAqparat.
Jarystyń ashylý saltanatyna QR Densaýlyq saqtaý ministri Eljan Birtanov qatysyp, bul shara tek konkýrstyq sipat almai, tájiribe almasyp, biliktilik shyńdaityndai basqosý bolýy tiis ekenin aitty.
«Ministrlik jedel járdem qyzmetin reformalaýǵa úlken mán berip otyr. Ózderińiz bilesizder, eki jyl ishinde saladaǵy standarttar men erejelerdi ózgerttik. Ótken jyl men onyń aldyndaǵy jylǵa qaraǵanda biyl jedel járdemniń jetý ýaqyty 25 minýttan 15 minýtqa qysqardy. Bul halyqaralyq standartqa jaqyn. Jedel járdem ókilderiniń negizgi bóligin bazalyq standarttar boiynsha oqyttyq. Osynyń arqasynda shetin jaǵdailar azaiyp, jan saqtaý sharalarynyń nátijesi jaqsardy», - dedi vedomstvo basshysy.
Eljan Birtanovtyń aitýynsha, salany jetildirý áli de birneshe jylǵa jalǵaspaq.
«Bul reformalar áli jalǵasady. Ol úshin negizgi degen úsh baǵyttty aiqyndap aldyq. Qazirgi tańda jedel járdem qyzmetiniń júktemesi óte tyǵyz. Kóptegen eldermen salystyrǵanda halyqtyń sany men jedel járdem shaqyrý sanynyń ara qatynasy bizde óte joǵary. Tipti bul turǵyda jaǵdaiy bizge uqsas degen Túrkiianyń ózinde bul kórsetkish bizden áldeqaida tómen. Jedel járdemge meditsnalyq kómektiń anyqtamalyq qyzmetindei qaraityndar bar. Sol úshin bastapqy meditsinalyq kómek pen ýchaskelik dárigerlerdiń rólin kótermekpiz. Negizgi aýrýlarmen solar ainalysyp, jedel járdem tek shuǵyl jaǵdailarda kómekke kelý kerek. Iaǵni, adamdar kez kelgen jaǵdai boiynsha jedel járdemge júginýge májbúr bolmaýy kerek. Biyl birinshi ret jedel járdemge júginýshiler sany azaiyp otyr. Jyl basynda Elbasy jedel járdem qyzmetin tolyqtai mashinamen jabdyqtaýdy tapsyrǵan bolatyn. Osy jyldan bastap sol tapsyrma aiasynda arnaiy baǵdarlamany iske asyramyz. Eki jyl ishinde jedel járdem ókilderi 800 standartty kólikpen qamtylatyn bolady. Bul kólikterdi otandyq kásiporyndar jetilgen standart boiynsha qurastyryp jatyr. Bul sizderdiń jumystaryńyzdy jeńildetip, qyzmetterińizdiń tiimdiligin arttyrady», - dedi ministr.
