Politsiia qyzmetkerleri Almatyda jedel járdem kóliginiń júrgizýshisin uryp-soqqan er adamdy ustady. Ol 28 jastaǵy Túrkiia azamaty bolyp shyqty, dep habarlaidy Sputnik.
"Búgin jedel járdem kóliginiń júrgizýshisimen janjaldasyp, oǵan dene jaraqatyn salǵan Volkswagen Passat kóliginiń júrgizýshisi anyqtalyp, ustaldy. Ol 1990 jyly týǵan Túrkiia azamaty bolyp shyqty. Almaly aýdany ishki ister basqarmasynyń tergeý bólimi onyń is-áreketterin QR Qylmystyq kodeksiniń 293-baby, 1-bólimi ("Buzaqylyq" — Sputnik) boiynsha baǵalady", — dep habarlady Almaty qalasy ishki ister departamentiniń baspasóz qyzmeti.
Sotqa deiingi tergeý bastalyp, qajetti saraptama taǵaiyndaldy.
Seisenbi kúni áleýmettik jelilerde jedel járdem dárigeri túsirgen videorolik paida boldy. Onda jas jigit "jedel járdemniń" jolyn qiyp, kóliktegi júrgizýshini ura bastaǵany kórinedi.
№6 jedel meditsinalyq járdem stantsiiasy brigadasynyń kóliginde naýqas bolǵan.
