19 sáýir Qazaqstan Jazýshylar odaǵynyń Ádebietshiler úiinde dástúrli «Ádebi jyl» qorytyndysyna arnalǵan jiyn ótti. Oǵan Jazýshylar odaǵy basqarmasynyń ókilderi, odaq músheleri, ziialy qaýym hám ózge de qalamgerler qatysty.
Dástúrli «Ádebi jyl» qorytyndysyna arnalǵan jiyn Jazýshylar odaǵy basqarmasynyń tóraǵasy Ulyqbek Esdáýlettiń alǵysózimen ashyldy. Jazýshylar odaǵy «Proza» keńesiniń tóraǵasy Qýandyq Túmenbai bir jyl ishinde jaryq kórgen prozalyq eńbekter men búgingi tańdaǵy prozanyń jai-kúiine toqtalsa, «Poeziia» keńesiniń tóraǵasy Nurjan Qýantaiuly jyl boiy oqyrmanǵa jol tartqan jyr jinaqtary týraly baiandama jasady.
Al, ádebi syn taqyrybynda Janǵara Dádebaev sóz sóilese, aýdarma tóńiregindegi áńgime tizginin Zamanbek Ábdeshev jalǵady. Jazýshy Arasanbai Erestenov Qazaqstandaǵy balalar ádebietiniń jańa esimdermen tolyǵyp jatqanyn aita kele, birqatar shyǵarmaǵa jeke-jeke toqtalyp ótti.
Sondai-aq, bul jiynda Halyqaralyq "Alash" syilyǵynyń iegerleri marapattaldy. 2017-2018 jylǵy "Alash" syilyǵynyń iegerleri 5 sáýir kúni Qazaqstan Jazýshylar odaǵynyń Sekretariat májilisiniń sheshimimen jariialanǵan edi.
2017 jyldyń iegerleri:
1. Ǵusman Jandybaevqa «Arman aýyl» óleńder jinaǵy úshin;
2. Nurdáýlet Aqyshqa «Raqymsyz kóktem» áńgimeler jinaǵy úshin;
3. Sailaýbai Jubatyrulyna «Abyrjy» 3 tomdyq shyǵarmalar jinaǵy úshin;
4. Qaisar Álimge «Mirjaqyptyń oralýy. Vozvrashenie Mirjakipa». Hikaiat saparnama (eki tilde) úshin;
5. Shámshabaný Hamzaǵa II tomdyq shyǵarmalar jinaǵy úshin;
6. Mira Shúiinshálievaǵa «Ar azaby» pesalar, hikaia men áńgimeler jinaǵy úshin;
7. Dáýletkerei Kápulyna «Terisburaý» óleńder jinaǵy úshin;
8. Myrzan Kenjebaiǵa «Óttiń, dúnie» óleńder jinaǵy úshin;
9. Sailaýbai Toilybaevqa «Sarnoqai sazdary» II tomdyq óleńder jinaǵy úshin;
2018 jyldyń iegerleri:
1. Narmahan Begalievke «Jaz – jalbyz» óleńder jinaǵy úshin;
2. Zeinolla Tileýjanovqa «Ot adam» óleńder jinaǵy úshin;
3. Baibota Qoshym-Noǵaiǵa «Jumaq nury» óleńder jinaǵy úshin;
4. Nurjan Qýantaiulyna «Asyl sóz» roman jáne áńgimeler jinaǵy úshin;
5. Dáýren Qýatqa «Bórisoqpaq» áńgimeler jinaǵy úshin;
6. Ómirzaq Qajymǵalievke «Jańǵyryq» trilogiiasy úshin;
7. Minýar Ákimhanovqa «Kóńilge tunǵan kóp sýret» óleńder jinaǵy úshin;
8. Patigúl Maqsatovaǵa (Patiam) «Har pásilnin gýzalligi bar» óleńder jinaǵy úshin;
9. Ámina Qurmanǵaliqyzyna «Áýlet pen náýbet» shyǵarmalar jinaǵy úshin;
10. Serikbai Ospanovqa «Alqońyr» óleńder jinaǵy úshin;
