Keshe, 10 naýryz kúni Qazaqstan Jazýshylar odaǵy Almaty qalasy mýzeiler birlestigimen yntymaqtastyq týraly memorandýmǵa qol qoidy, dep habarlaidy "Ult aqparat".
Memorandýmǵa sáikes atalǵan mekemeler óskeleń urpaqqa estetikalyq tálim-tárbie beretin, otansúigishtikke baýlityn baǵdarlamalardy júzege asyrady. Sonymen qatar, kórmeler, mádeni-aǵartý is-sharalary men ekskýrsiialar uiymdastyryp, kórnekt qalamgerlerdiń shyǵarmashylyq ómir joly, qoǵamdyq qyzmeti men izdenisterin jan-jaqty nasihattaý barysynda birlesken ǵylymi-zertteý jumystaryn júrgizedi.
«Bizdiń birlestiktiń quramynda ádebi-memorialdy mýzei bar. Muqanov, Músirepov... Sol jerde bolashaqta aqyn-jazýshylardyń is-sharalaryn ótkizsek degen josparlarymyz bar. Ziialy qaýymnyń jádigerlerin jeke kompleks deidi ǵoi, keshendik mýzeige qabyldaý jumystaryn jasasaq», – dedi qalalyq mýzeiler birlestiginiń direktory Ánýar Úmbetáliev.
Atalǵan qos uiym ókilderi qaladaǵy birqatar murajailarǵa qatysty oilaryn ortaǵa saldy. «Eldiń ádebieti men mádenietin kórkeitý qai kezeńde de moiynǵa artylǵan júk bop qalmaq», – deidi el aǵalary.
Aldaǵy ýaqytta taraptar Muqaǵali Maqataevtyń 90 jyldyq meretoiyna orai kóshpeli kórme uiymdastyrý, Birlestikke kiretin mýzeilerde aqyn-jazýshylarmen shyǵarmashylyq keshter ótkizý syndy kóptegen ádebi-mádeni sharalardy birlesip atqarady.
