Ataqty "Garri Potter" romanynyń avtory, britan jazýshysy Djoan Roýling ózin mysalǵa keltirgen Resei prezidenti Vladimir Pýtinniń aitqanyna jaýap berdi. Osy aptada mádeniet jáne óner qairatkerlerimen kezdesý kezinde Pýtin "jýyrda ǵana balalar jazýshysy Djoan Roýlingti de genderlik erkindikti jaqtaýshylar unatpai qalyp, "joqqa shyǵardy". Al búgin myń jyl tarihy bar memleketimizdi, halqymyzdy joqqa shyǵarýǵa tyrysyp jatyr" degen edi.
Djoan Roýling Tvitter jelisinde ózin mysalǵa keltirgen Resei prezidentiniń sózin synady.
"Beibit halyqty qarsylasqany úshin óltirip, saiasi opponentterine ý berip, túrmege tyqqan adamnyń Batys mádenietin joqqa shyǵarýmen ainalyspaǵany durys dep oilaimyn" dep jazdy Roýling.
Jazýshy jazbasyna reseilik oppozitsiialyq saiasatker Aleksei Navalnyidyń sýretin de tirkep qoiǵan.
- 2020 jyly Roýling áleýmettik jelide ásiresolshyl belsendiler transfobiia dep baǵalaǵan sózi úshin synǵa ushyraǵan. Daý qyzǵan shaqta áleýmettik jelide #RIPJKRowling (Djoan Roýling, qosh bol) atty heshteg taraǵan. Jazýshynyń jaqtastary Roýlingtiń "mádenietti joqqa shyǵarý" (cancel culture) qubylysyna kezikkenin aitqan.
