Mahatma Gandi atyndaǵy №92 mamandandyrylǵan litseide belgili jazýshy, «Qyltusaý», «Jalǵyz juldyzdyń jaryǵy», «Taǵdyr taqtasy» áńgimeler jinaǵynyń avtory Darhan Beisenbekpen «Búgingi ádebiet jáne jastar» atty kezdesý ótti. Mektep ustazdary men oqýshylary jazýshynyń shyǵarmashylyǵy men búgingi ádebiet týraly kóptegen suraqtar qoiyp, oǵan tushymdy jaýap aldy.
«Almatyǵa oqýǵa tapsyrýǵa kelgen kúni dalaǵa túnep, ertesine Qanysh Sátbaev atyndaǵy tehnikalyq ýniversitetine oqýǵa túsýdi uiǵardym. Oǵan sebep – jataqhana máselesi boldy. Tehnikalyq mamandyqqa oqýǵa túskenimmen, áý bastaǵy armanym boiynsha ýniversitet gazetinde jumys istep, jazýshylyqqa bet burdym» dep Darhan Beisenbekuly óziniń ádebietke kelý tarihyn baiandap berdi. Ol oqýshylarǵa naǵyz kórkem ádebietpen sýsyndap qalatyn ýaqyttary osy kez ekendigin aitty.
Suraq-jaýap formatynda ótken kezdesýde jazýshy birneshe máselelerdi qozǵady. Sonyń biri – qalamgerler men oqyrmandar máselesi. Bul turǵyda ol «qalamger – ónim usynýshy. Oqyrman – tutynýshy. Demek, tutynýshynyń talǵamy biik bop tursa, ónim usynýshynyń talǵamy da ózgerýi kerek» deidi. Sondai-aq, jastarǵa búgingi jas jazýshylardyń, atap aitqanda E.Aidabosyn, Q.Tileýhan, Q.Ábilqaiyr syndy azamamattardyń shyǵarmalaryn oqýǵa keńes berdi.
Kezdesý sońynda litsei direktory Erulan Jienbaev qonaqtardy qabyldap, aldaǵy ýaqytta da osyndai mańyzdy is-sharalardy ótkizip turýǵa shaqyrdy.
Al qazaq tili jáne qazaq ádebieti pániniń muǵalimi Almagúl Tákisheva jazýshymen bolǵan kezdesýdiń oqýshylar úshin mańyzdy ekenin jetkizdi.
«Darhan Beisenbekuly «Qyltusaý» romanynda qazirgi jastardyń ómirindegi ózekti máselelerdi, ǵasyr dertine ainalǵan nashaqorlyq, qoǵam ómirindegi baýyr eti balasyn shetelge satý siiaqty máselelerdi kótergen. Roman tili dialog arqyly jeńil oqylady. Jazýshymen ótken kezdesý oqýshylardy qanattandyrady dep oilaimyn», - dedi ol.
Aita keteiik, «El-shejire» qoǵamdyq qory uiymdastyrǵan bul kezdesý Almaty qalasy Ishki saiasat basqarmasynyń tapsyrysymen ótti.
