Foto: ashyq derekkóz
Kólik ministrligi jazǵy maýsymda Alakólge deiin qosymsha vagondar men bilet quny qoljetimdi áýe reisterin iske qosady, dep habarlaidy Ult.kz.
Jazda el turǵyndary Alakólge ushaqpen, poiyzben nemese avtokólikpen jete alady.
Temirjol kóligi:
Biyl jazda Alakól kýrorttyq aimaǵyna 13 temirjol baǵyty arqyly jetiýge bolady. Onyń 4-eýi — jyl boiy qatynaityn baǵyt bolsa, taǵy 9-y — maýsymdyq qosymsha baǵyttar. Poiyzdar Astana, Almaty, Pavlodar, Qyzylorda, Semei, Óskemen jáne Aqtoǵai qalalarynan qatynaidy.
Almaty – Alakól:
1. № 207/208 «Almaty-2 – Jalańashkól» (aptasyna 2 ret);
2. № 221/222 «Almaty-2 – Dostyq» (aptasyna 3 ret);
3. № 211/212 «Almaty-2 – Dostyq» (maýsym–shildede jup kúnderi, tamyzda taq kúnderi);
4. № 337/338 «Almaty-2 – Dostyq» (aptasyna 3 ret);
5. № 21/6941/6942/22 «Almaty-1 – Dostyq» (jup kúnderi).
Astana – Alakól:
1. № 54/53 «Nurly jol – Dostyq» (aptasyna 2 ret);
2. № 254/253 «Nurly jol – Dostyq» (aptasyna 2 ret);
3. № 122/6942/6941/121 «Nurly jol – Semei» (jup kúnderi).
Basqa baǵyttar:
1. № 31/6942/6941/32 «Pavlodar – Dostyq» (jup kúnderi);
2. № 21/6942/6941/22 «Qyzylorda – Dostyq» (taq kúnderi);
3. № 457/458 «Semei – Dostyq» (taq kúnderi);
4. № 459/460 «Óskemen – Dostyq» (taq kúnderi);
5. № 6941/6942 «Aqtoǵai – Dostyq» (kún saiyn).
Áýe qatynasy:
2025 jylǵy 1 maýsymnan bastap qazaqstandyq SCAT áýe kompaniiasy Alakóldiń qasynda ornalasqan Úrjarǵa sýbsidiialanatyn reisterdi oryndai bastaidy. Astana men Úrjar, sondai-aq Almaty men Úrjar arasynda aptasyna 6 reis oryndalady. Astana - Úrjar boiynsha bir baǵyttaǵy bilet quny – 16 myń teńge, al Almaty - Úrjar baǵyty boiynsha – 14 myń teńge.
Sondai-aq, jaz mezgilinde Úsharal qalasyna sýbsidiialanatyn áýe reisterin iske qosý máselesi pysyqtalýda.
Avtomobil kóligi:
Jalpy uzyndyǵy 768 shaqyrym bolatyn «Taldyqorǵan – Óskemen» joly Alakólge deiin aparady. Bul jolǵa tolyqtai jańa asfalt tóseldi.
Jetisý oblysy jaǵynan Úsharal arqyly odan keiin 180 shaqyrymdyq «Úsharal – Dostyq» jolymen ótip, kóldiń ońtústik jaǵalaýyna jetýge bolady.
Abai oblysy jaǵynan «Taskesken – Baqty» joly arqyly Maqanshy aýylyna (133 km), ári qarai «Maqanshy – Jalańashkól» baǵytymen kóldiń soltústik jaǵalaýyna jetýge bolady.
Alakól kóline aparatyn barlyq respýblikalyq mańyzy bar avtojoldarda jańa asfaltbeton jabyny tóseldi.
