Foto: ashyq derekkóz
Jaz mezgilinde Alakól jaǵalaýynda demalýshylardyń qatary qalyń. Kópshiligi balalarymen birge keledi. Adam kóp jinalǵan ortada ata-analar balasyn joǵaltyp alatyn jaittar jii kezdesip jatady, dep habarlaidy Ult.kz.
Abai oblystyq Politsiia departamentiniń málimetinshe, biyl balalardyń joǵalýyna qatysty politsiiaǵa júginetinderdiń sany artqan.
«Abai oblysynyń Alakól jaǵalaýynda, naqtyraq aitqanda, Maqanshy aýdanynda balalardyń joǵalyp ketý oqiǵalary jiilep barady. Shomylý maýsymy bastalǵaly týristik politsiia qyzmetkerlerine balalardyń joǵalýyna qatysty shaqyrtýlar kóp túsken. Ásirese Arbat aýmaǵynda adam kóp jinalatyn jerlerde ata-analar balalaryn jii joǵaltady. Maýsym-shilde ailarynda osyndai 120-dan astam jaǵdai tirkeldi. Abyroi bolǵanda, barlyq balalar dereý tabylyp, aman-esen ata-analaryna jetkizildi», - delingen habarlamada.
