Halyq aldynda eseptik kezdesýin ótkizgen Ekologiia, geologiia jáne tabiǵi resrýrstar ministri Maǵzum Myrzaǵaliev Jaiyqtyń ekologiialyq problemasy qalai sheshiletinin túsindirdi, dep habarlaidy QazAqparat.
«Jalpy 2019 jyldan bastap sý az kezeńge tap kelgenimizdi anyq kórip otyrmyz. Birinshi kezekte sý tapshylyǵy Ońtústik pen Batysta qatty sezilip otyr. 2019 jyly Jaiyqta rekordtyq az mólsher baiqaldy. 3,5 myń tekshe shaqyrymnan sál ǵana asty. Al ortasha jyldyq kórsetkish 9 myń sharshy shaqyrym bolýy kerek. Iaǵni, ortasha esepten 3 esedei túsip ketken. Byltyr 2019 jylǵa qaraǵanda sál jaqsyraq boldy. Al biyl vegetatsiialyq kezeńdi byltyrǵydan táýir ótkizemiz dep úmittenemin. Oǵan qajet alǵysharttardyń bári bar», - degen ministr atalǵan alǵysharttarǵa jeke-jeke toqtaldy.
«Birinshiden, qazir reseilik áriptesterimizben tyǵyz jumys istep jatyrmyz. Biyldyń ózinde ministrler deńgeiinde 3 ret kezdestik, sarapshylar daúnemi birlesken jumystar júrgizip otyr. Jaiyqtyń problemasyn birlesip zerttep jatyrmyz. Munda ár eldiń óz biýjeti bar. Bizge kelsek, Jaiyqtyq ekologiialyq rejimin zertteýge 50 mln teńgeden astam qarjy qarastyrylǵan. Eń bastysy, ózenniń gidrologiiasyn zerttep, ózenniń sý qoryna bailanysty boljamdardy naqtylaýymyz, lastaný kózderi men onyń azaitýdyń joldaryn anyqtaýymyz kerek. Osynyń bárin anyqtap baryp, reseiliktermen birge sý qoimalarynyń ortaq rejimin túzýimiz qajet. Bul sý shliýzderi etektegi elge ylǵal qajet boǵlan kezde ǵana ashylýyn qadaǵalaý úshin kerek», - dedi Maǵzum Myrzaǵaliev.
