Kóktemniń alǵashqy kúninde Jaiyq-Kaspii basseininde balyqshylardyń qarmaǵyna salmaǵy 160 kelilik qortpa tústi, dep habarlaidy QazAqparat.
«Amangeldi atyndaǵy óndiristik kooperativtiń balyqshylary tabiǵi ortada joiylyp bara jatqan qortpa balyqty aýlap aldy. Ol Jaiyq ózeniniń Kishi Damba ýchaskesinde torǵa tústi. Ýyldyryqty eken, ol bekire tuqymdas balyqtardyń shabaqtaryn ósirýmen ainalysatyn Jaiyq-Atyraý balyq ósirý zaýytyna jiberildi», - dep habarlaidy Atyraý oblystyq janýarlar álemi men orman sharýashylyǵy aýmaqtyq inspektsiiasynyń resmi ókili Oleg Týshkanov.
Eske sala keteiik, qortpa Jaiyqta sońǵy ret 2015 jyly aýlanǵan edi.
