Ózen betinde júzip júrgen muz keseginiń ústinde qalyp qoiǵan balyqshy qutqaryldy, dep habarlaidy "Ult aqparat".
«Muz ústinde qalyp qoiǵan atyraýlyq balyqshyǵa Jaiyq ózeni boiymen serýendeýge týra keldi. Ol jaǵalaýda muzda balyq aýlap otyrǵan. Sol kezde ol otyrǵan muz kesegi jaǵalaýdan bólinip, ózen aǵysymen qalqyp júzip ketken. Biraq balyqshy qoryqpaǵan. Kýágerler qutqarýshylardy shaqyryp, olar kelip jetkenshe balyqshy baibalam salmai, muz ústinde qasqaiyp tura berdi. Qutqarýshylar qaiyqpen ózen ortasyna deiin júzip baryp, ony jaǵalaýǵa shyǵardy», - dep habarlady tótenshe jaǵdailar departamentiniń baspasóz qyzmeti.
Eske sala keteiik, juma kúni Jaiyqtaǵy muz opyrylyp buzyldy. Óitkeni kún kúrt jylynyp, ózen betindegi muz tym juqaryp ketken. Al turǵyndar eskertýdi tyńdamai, sonda da muz ústimen júrip, balyq aýlap, qaýip-qaterdi eskermegen. Sondyqtan qystyń kúni muzdy muzjarǵyshpen buzýǵa týra kelgen.
