ٶزەن بەتٸندە جٷزٸپ جٷرگەن مۇز كەسەگٸنٸڭ ٷستٸندە قالىپ قويعان بالىقشى قۇتقارىلدى, دەپ حابارلايدى "ۇلت اقپارات".
«مۇز ٷستٸندە قالىپ قويعان اتىراۋلىق بالىقشىعا جايىق ٶزەنٸ بويىمەن سەرۋەندەۋگە تۋرا كەلدٸ. ول جاعالاۋدا مۇزدا بالىق اۋلاپ وتىرعان. سول كەزدە ول وتىرعان مۇز كەسەگٸ جاعالاۋدان بٶلٸنٸپ, ٶزەن اعىسىمەن قالقىپ جٷزٸپ كەتكەن. بٸراق بالىقشى قورىقپاعان. كۋەگەرلەر قۇتقارۋشىلاردى شاقىرىپ, ولار كەلٸپ جەتكەنشە بالىقشى بايبالام سالماي, مۇز ٷستٸندە قاسقايىپ تۇرا بەردٸ. قۇتقارۋشىلار قايىقپەن ٶزەن ورتاسىنا دەيٸن جٷزٸپ بارىپ, ونى جاعالاۋعا شىعاردى», - دەپ حابارلادى تٶتەنشە جاعدايلار دەپارتامەنتٸنٸڭ باسپاسٶز قىزمەتٸ.
ەسكە سالا كەتەيٸك, جۇما كٷنٸ جايىقتاعى مۇز وپىرىلىپ بۇزىلدى. ٶيتكەنٸ كٷن كٷرت جىلىنىپ, ٶزەن بەتٸندەگٸ مۇز تىم جۇقارىپ كەتكەن. ال تۇرعىندار ەسكەرتۋدٸ تىڭداماي, سوندا دا مۇز ٷستٸمەن جٷرٸپ, بالىق اۋلاپ, قاۋٸپ-قاتەردٸ ەسكەرمەگەن. سوندىقتان قىستىڭ كٷنٸ مۇزدى مۇزجارعىشپەن بۇزۋعا تۋرا كەلگەن.
