Jaiyq memlekettik mańyzdaǵy sý nysandarynyń tizimine alynady. Bul týraly QR Ekologiia, geologiia jáne tabiǵi resýrstar vitse-ministri Serik Qojaniiazov Ortalyq kommýnikatsiialar qyzmetinde ótken brifingide aitty, habarlaidy QazAqparat.
Brifing barysynda BAQ ókili Jaiyq ózeni airyqsha qorǵalatyn tabiǵi nysan qataryna nege alynbai kele jatqanyn surady.
«Sý sharýashylyǵy salasynda airyqsha qorǵalatyn aýmaqtar degen uǵym joq. Ondai uǵym kóbinese orman sharýashylyǵynda kezdesedi», - dedi ministrdiń orynbasary.
Degenmen Jaiyqty memleket qamqorlyǵyna alý úshin ǵylymi negizdeme jasalyp jatqan kórinedi.
«Jaiyq máselesine kelsek, bizde memlekettik mańyzdaǵy sý nysandarynyń tizbesi bar. Bul tizimdegi ózenderdiń alabynda sharýashylyqtyń airyqsha rejimi saqtalýy kerek. Qazir biz Jaiyq ózenin memlekettik mańyzy bar sý nysandary tizbesine engizý úshin ǵylymi negizdeme daiyndap jatyrmyz. Sáikesinshe, memlekettiń bul ózenge degen kózqarasy, qamqorlyǵy da jaqsyraq bolady degen sóz. Mundai nysanda sharýashylyq ta basqasha júrgiziledi. Osy baǵytta jumys istep jatyrmyz», - dedi Serik Qojaniiazov.
