Jaiyq ózeninde qyrylǵan balyqtardyń jalpy salmaǵy 108,1 tonnany qurady. Bul týraly QR AShM Orman sharýashylyǵy jáne janýarlar álemi komitetiniń baspasóz hatshysy Sáken Dildahmet Feisbýktaǵy paraqshasynda jazdy, dep habarlaidy "Ult aqparat".
«Áleýmettik jelide «Lýgovoi jylqy zaýyty» JShS-nyń balyq sharýashylyǵyndaǵy balyqtardyń qyrylýyna qatysty kóptegen sýret pen video material taraýda. Osyǵan orai sharýashylyqty óli balyqtardan tazalaý jumystarynyń aiaqtalǵanyn túsindirgimiz keledi. Búgingi kúni Jaiyq ózeninde balyqtar ólip jatqan joq. Atyraý oblystyq orman sharýashylyǵy jáne janýarlar álemi aýmaqtyq ispektsiiasy Jaiyq ózeniniń barlyq ýchaskelerine turaqty monitoring júrgizýde», - dep jazdy ol.
Onyń dereginshe, 28 qańtarǵa deiin 108,1 tonna óli balyq jinap alynǵan.
«Jaiyq ózenin lastaýshyny anyqtaý boiynsha sharalar qabyldanyp jatyr. Qylmystyq aiasynda balyqtan jáne sýdan synama alyndy. Balyqtardyń qyrylý sebebi tergeý amaldary aiaqtalǵannan keiin naqtylanady», - dedi Sáken Dildahmet.
Eske sala ketsek, buǵan deiin Atyraý oblysynda balyqtyń qyrylǵany týraly birneshe aqparat taratqan edik. Naqtyraq aitqanda, ótken jyldyń jeltoqsan aiynyń basynda Atyraý qalasynyń syrtyndaǵy Peretask shaǵyn ózeninde balyqtardyń jappai qyrylý oqiǵasy tirkelgen edi. Arada apta ótpei Atyraý oblysyndaǵy Jaiyq ózeninde balyqtardyń jappai qyrylǵany anyqtalǵan.
Ókinishke qarai, jeltoqsanda taǵy da alabuǵa, torman, qylyshbalyq sekildi qara balyqtardyń qyrylǵany týraly aqparat taratqan bolatynbyz. Osy jaǵdaiǵa bailanysty Atyraý oblystyq orman sharýashylyǵy jáne janýarlar dúniesi aýmaqtyq inspektsiiasy balyqtyń jappai qyrylý faktisi boiynsha qylmystyq is qozǵalatynyn jariia etken edi.
