جايىق ٶزەنٸندە قىرىلعان بالىقتاردىڭ جالپى سالماعى 108,1 توننانى قۇرادى. بۇل تۋرالى قر اشم ورمان شارۋاشىلىعى جەنە جانۋارلار ەلەمٸ كوميتەتٸنٸڭ باسپاسٶز حاتشىسى سەكەن دٸلداحمەت فەيسبۋكتاعى پاراقشاسىندا جازدى, دەپ حابارلايدى "ۇلت اقپارات".
«ەلەۋمەتتٸك جەلٸدە «لۋگوۆوي جىلقى زاۋىتى» جشس-نىڭ بالىق شارۋاشىلىعىنداعى بالىقتاردىڭ قىرىلۋىنا قاتىستى كٶپتەگەن سۋرەت پەن ۆيدەو ماتەريال تاراۋدا. وسىعان وراي شارۋاشىلىقتى ٶلٸ بالىقتاردان تازالاۋ جۇمىستارىنىڭ اياقتالعانىن تٷسٸندٸرگٸمٸز كەلەدٸ. بٷگٸنگٸ كٷنٸ جايىق ٶزەنٸندە بالىقتار ٶلٸپ جاتقان جوق. اتىراۋ وبلىستىق ورمان شارۋاشىلىعى جەنە جانۋارلار ەلەمٸ اۋماقتىق يسپەكتسيياسى جايىق ٶزەنٸنٸڭ بارلىق ۋچاسكەلەرٸنە تۇراقتى مونيتورينگ جٷرگٸزۋدە», - دەپ جازدى ول.
ونىڭ دەرەگٸنشە, 28 قاڭتارعا دەيٸن 108,1 توننا ٶلٸ بالىق جيناپ الىنعان.
«جايىق ٶزەنٸن لاستاۋشىنى انىقتاۋ بويىنشا شارالار قابىلدانىپ جاتىر. قىلمىستىق اياسىندا بالىقتان جەنە سۋدان سىناما الىندى. بالىقتاردىڭ قىرىلۋ سەبەبٸ تەرگەۋ امالدارى اياقتالعاننان كەيٸن ناقتىلانادى», - دەدٸ سەكەن دٸلداحمەت.
ەسكە سالا كەتسەك, بۇعان دەيٸن اتىراۋ وبلىسىندا بالىقتىڭ قىرىلعانى تۋرالى بٸرنەشە اقپارات تاراتقان ەدٸك. ناقتىراق ايتقاندا, ٶتكەن جىلدىڭ جەلتوقسان ايىنىڭ باسىندا اتىراۋ قالاسىنىڭ سىرتىنداعى پەرەتاسك شاعىن ٶزەنٸندە بالىقتاردىڭ جاپپاي قىرىلۋ وقيعاسى تٸركەلگەن ەدٸ. ارادا اپتا ٶتپەي اتىراۋ وبلىسىنداعى جايىق ٶزەنٸندە بالىقتاردىڭ جاپپاي قىرىلعانى انىقتالعان.
ٶكٸنٸشكە قاراي, جەلتوقساندا تاعى دا الابۇعا, تورمان, قىلىشبالىق سەكٸلدٸ قارا بالىقتاردىڭ قىرىلعانى تۋرالى اقپارات تاراتقان بولاتىنبىز. وسى جاعدايعا بايلانىستى اتىراۋ وبلىستىق ورمان شارۋاشىلىعى جەنە جانۋارلار دٷنيەسٸ اۋماقتىق ينسپەكتسيياسى بالىقتىڭ جاپپاي قىرىلۋ فاكتٸسٸ بويىنشا قىلمىستىق ٸس قوزعالاتىنىن جارييا ەتكەن ەدٸ.
