«Kaztsink» JShS iri taý-ken metallýrgiialyq kompaniiasy koronavirýs infektsiiasymen kúreske 85 mln teńge kóleminde qarajat bóldi, dep habarlaidy "Ult aqparat".
Elimizdiń iri taý-ken metallýrgiialyq kompaniiasynyń biri «Kaztsink» JShS koronavirýspen kúreste qoldaý kórsetýde. Aýrýhanalardaǵy COVID-19 naýqastardy emdeýge kómektesý úshin kompaniia 85 mln teńge bóldi. Bul qarajat Óskemen, Ridder, Altai qalalary men Jáirem kentiniń aýrýhanalaryna meditsinalyq jabdyq satyp alýǵa jumsaldy.
«Joǵaryda atalǵan qalalar men kentterdiń aýrýhanalarynyń infektsiialyq bólimshelerine 120 ottegi kontsentratoryn jetkizildi. Onyń ishinde Jáirem kenti aýrýhanasynyń juqpaly aýrýlar bólimine árqaisysy 650 000 teńge turatyn 5 kontsentrator jetkizildi. Bul qurylǵylar COVID-19-dan asqynǵan jaǵdaida, patsient óz betinshe dem ala almaityn kezde ottegi terapiiasyn júrgizý úshin qoldanylady. Meditsinalyq ottegimen qosymsha jabdyqtaý aýrýmen kúresý múmkindigin arttyrady, regeneratsiianyń qarqyndy protsesine yqpal etedi, bul naýqasty aýrýhanada emdeý kezeńin qysqartady», - dep habarlady Qaraǵandy oblysy ákimdiginiń baspasóz qyzmeti.
Budan basqa aýrýhanaǵa: NPPS (Omnimed) zembil, infýziia quiýǵa arnalǵan shtativ ShR-01 (Omnimed), defibrilliator-monitor DKI N-11 (183260), BeneFusion VP3 infýziialyq sorǵy, kaniýlmen 2L ottekti ingaliator, úlken eresek jinalmaly kólik dońǵalaqtarynyń jiyntyǵy Kshtsv-B-NN, Biopress neilon 50*14 stetoskop BL-ASM-1, reanimatsiialyq tynys alý qaby (eresek) apexmed, sanitarlyq brezent zembilder, sorǵysh «elemena-N am1», Mastersept 5l (qorapta 3 kanistra, barlyǵy 4 qorap), mastersept 5l (kanistra) berildi.
