«كازتسينك» جشس ٸرٸ تاۋ-كەن مەتاللۋرگييالىق كومپانيياسى كوروناۆيرۋس ينفەكتسيياسىمەن كٷرەسكە 85 ملن تەڭگە كٶلەمٸندە قاراجات بٶلدٸ, دەپ حابارلايدى "ۇلت اقپارات".
ەلٸمٸزدٸڭ ٸرٸ تاۋ-كەن مەتاللۋرگييالىق كومپانيياسىنىڭ بٸرٸ «كازتسينك» جشس كوروناۆيرۋسپەن كٷرەستە قولداۋ كٶرسەتۋدە. اۋرۋحانالارداعى COVID-19 ناۋقاستاردى ەمدەۋگە كٶمەكتەسۋ ٷشٸن كومپانييا 85 ملن تەڭگە بٶلدٸ. بۇل قاراجات ٶسكەمەن, ريددەر, التاي قالالارى مەن جەيرەم كەنتٸنٸڭ اۋرۋحانالارىنا مەديتسينالىق جابدىق ساتىپ الۋعا جۇمسالدى.
«جوعارىدا اتالعان قالالار مەن كەنتتەردٸڭ اۋرۋحانالارىنىڭ ينفەكتسييالىق بٶلٸمشەلەرٸنە 120 وتتەگٸ كونتسەنتراتورىن جەتكٸزٸلدٸ. ونىڭ ٸشٸندە جەيرەم كەنتٸ اۋرۋحاناسىنىڭ جۇقپالى اۋرۋلار بٶلٸمٸنە ەرقايسىسى 650 000 تەڭگە تۇراتىن 5 كونتسەنتراتور جەتكٸزٸلدٸ. بۇل قۇرىلعىلار COVID-19-دان اسقىنعان جاعدايدا, پاتسيەنت ٶز بەتٸنشە دەم الا المايتىن كەزدە وتتەگٸ تەراپيياسىن جٷرگٸزۋ ٷشٸن قولدانىلادى. مەديتسينالىق وتتەگٸمەن قوسىمشا جابدىقتاۋ اۋرۋمەن كٷرەسۋ مٷمكٸندٸگٸن ارتتىرادى, رەگەنەراتسييانىڭ قارقىندى پروتسەسٸنە ىقپال ەتەدٸ, بۇل ناۋقاستى اۋرۋحانادا ەمدەۋ كەزەڭٸن قىسقارتادى», - دەپ حابارلادى قاراعاندى وبلىسى ەكٸمدٸگٸنٸڭ باسپاسٶز قىزمەتٸ.
بۇدان باسقا اۋرۋحاناعا: نپپس (ومنيمەد) زەمبٸل, ينفۋزييا قۇيۋعا ارنالعان شتاتيۆ شر-01 (ومنيمەد), دەفيبريللياتور-مونيتور دكي ن-11 (183260), BeneFusion VP3 ينفۋزييالىق سورعى, كانيۋلمەن 2L وتتەكتٸ ينگالياتور, ٷلكەن ەرەسەك جينالمالى كٶلٸك دوڭعالاقتارىنىڭ جيىنتىعى كشتسۆ-ب-نن, Biopress نەيلون 50*14 ستەتوسكوپ BL-ASM-1, رەانيماتسييالىق تىنىس الۋ قابى (ەرەسەك) apexmed, سانيتارلىق برەزەنت زەمبٸلدەر, سورعىش «ەلەمەنا-ن ام1», ماستەرسەپت 5ل (قوراپتا 3 كانيسترا, بارلىعى 4 قوراپ), ماستەرسەپت 5ل (كانيسترا) بەرٸلدٸ.
