Tamyz aiynda halyqaralyq Armiia oiyndary aiasynda ótetin taktikalyq mergen konkýrsy bastalady. Ár elden kelgen áskeri qyzmetshiler jaýyngerlik sheberlikterin jeke jáne top quramynda da oryndap, oq atýdan jarysady, – dep habarlaidy «Ult aqparat».
Qarýly kúshter arnaiy operatsiialar qolbasshysynyń orynbasary, polkovnik Abai Abdýllaevtyń aitýynsha, 2022 jyly Armiia halyqaralyq oiyndary aiasynda ótkiziletin taktikalyq mergen saiysy osy jyly qaraǵandy oblysynda «Spassk» oqý-jattyǵý poligonynda ótkizýge sheshim qabyldanǵan.
«Bekitilgen ereje men tártipter boiynsha konkýrsqa qatysýshy el negizgi top retinde on adamdy taǵaiyndap, onyń ishinde ártúrli laýazymdy tulǵalarmen bizge jiberý kerek. Sharttary boiynsha qatysýshy el on adamdy iriktep jibergennen keiin olar tórt etaptyń aiasynda tórt konkýrsqa qatysýǵa daiyn bolý kerek. Birinshi etapty ótkizý barysynda ol jeke dara daiyndyǵy. Ol ár mergenniń qysqa merzim ishinde belgilei bilip, aiqyndai bilip jáne ony dáleldep joia bilý kerek. Ekinshi etap barysynda jaýyngerlik júk deidi. Sonyń daiyndyǵy jáne ózara is-qimyl jasai bilý deńgeii tekseriledi. Úshinshi etap barysynda ol top quramynda qimyl jasaý kerek. Tórtinshi etap konkýrstyń erejesinen tys synaq. Jalpy, bekitilgen ereje boiynsha 12 elden astam niet bildirýshiler ishinde tolyq quramamen kele jatqan daiyn alty el bar», – deidi polkovnik Abai Abdýllaev.
Onyń aitýynsha, osy jyly bekitilgen erejeler boiynsha, birinshi kezeń qaýipsizdik sharalaryn saqtai otyryp, jaǵdaidy tez synap, jaǵdaidy málimdep, nysanany belgilep, ony dáleldep, ony joiý barysynda neǵurlym az ýaqyt ketedi, soǵurlym upai joǵary bolady. Onyń barysynda konkýrsty durys ári ashyq ótkizý jáne ashyq baǵa berý úshin taǵaiyndalǵan ákimshilik jáne nusqaýshylar bekitilgen.
«Bul halyqaralyq armiialyq oiyndar aiasynda ótkizilip otyrǵan ekinshi konkýrs. taktikalyq mergen konkýrsy. Birinshisinde ótken jyly Resei federatsiiasynda Rizant oqý-jattyǵý polgionynda bizdiń qurama úshinshi oryn aldy. Osy jyly Qazaqstan Respýblikasynda ótkizý týraly sheshim qabyldaǵannan beri niet bildirýshi on eki el. Onyń ishinde Orta Aziia elderin atap ótsek bolady. Onyń ishinde Ózbekstan Respýblikasy, Tájikstan Respýblikasy, ózimizdiń el. Qazaqstan Respýblikasynyń tolyq quramalyr daiyn. Odan bólek Resei Federatsiiasynyń quramasy, Qytai Halyq Respýblikasy, Mali, Kragýa-Chiko siiaqty elder óz nietterin bildirgen.
2016 jyldan beri Armiia halyqaralyq oiyndary sheńberinde ótkizilip otyrǵan baiqaýǵa osy jyldy qosyp sanasaq, altynshy ret qatysýdamyz. Alty jyldan beri bizdiń qurama júldeli oryndardy ielenip júr. Qurama irikteýden ótkizilip, Almaty oblysynda ornalasqan taý daiyndyǵy ortalyǵynda búginde konkýrsqa qatysýǵa daiyn. Niet bildirýshi el sany osy jyly toǵyzdan astam. Onyń erejeleri boiynsha quramanyń toby jiyrma adam bolý kerek, onyń negizi toby on eki adam, qosalqy toby segiz adam bolý kerek», – deidi Qarýly kúshter arnaiy operatsiialar qolbasshysynyń orynbasary, polkovnik Abai Abdýllaev.
Polkovniktiń aitýynsha, Qazaqstan qarýly kúshterdiń ókilderi, onyń ishinde mamandarymyz arnaiy operatsiia qolbasshylarymyz, túrli qatysýshylar birinshi orynda halyqaralyq yntymaqtastyqty arttyrý maqsatyn jáne kórshi elderdiń qarýly kúshterimen tájiribe almasý maqsatyn oryndaidy. Úshinshi kezekte otanymyzdyń qorǵanys ónerkásibi ónimderin qoldana bilý tájiribesin aiqyndaidy.
«Taktikalyq mergen konkýrstaryna qatysý úshin óte kúrdeli jáne keshendi irikteýden ótkizdik. Ol bir kún emes, bir ai emes, birneshe ailardyń qatarynan bizdiń jaýyngerler óz áskeri bólimderinen jeke dara bolyp, jeńip shyǵyp, óńirlik qolbasshylardyń qatarynda ótkizilgen konkýrstardy jeńip, búgingi kúnde óz konkýrstaryna qatysýǵa daiyn», – deidi ol.
