Sapasyz dissertatsiiaǵa jaǵymdy usynym bergen retsenzentter men ǵylymi keńesshiler dissertatsiialyq keńestiń jumysynan 3-5 jylǵa shettetiledi, dep habarlaidy QazAqparat.
Bul týraly Bilim jáne ǵylym ministrliginiń apparat májilisinde Bilim jáne ǵylym salasyndaǵy baqylaý komitetiniń tóraiymy Gúlzat Kóbenova málim etti.
«Ǵylymi keńesshiler men retsenzentterge doktornattarmen jaýapsyz jumys istegeni úshin jaýapkershilik belgilendi. Eger doktoranttyń jumysy qabyldanbasa, onyń ǵylymi keńesshisi men jaǵymdy pikir jazǵan maman 3-5 jyl boiy dissertatsiialyq keńestiń jumysyna qatysa almaidy jáne doktorlyq dissertatsiialarǵa retsenziia jaza almaidy», - dedi Gúlzat Kóbenova.
Komitet tóraiymy dissertatsiianyń qorǵaýdyń ashyqtyǵy qalai qamtamasyz etiletinin de aitty.
«Bul boiynsha da syn kóp aitylǵanyn bilesizder. Jariia túrde qorǵaý rásimi endi mindetti túrde internet arqyly tikelei efirde kórsetiledi. Resmi retsenzentter dissertatsiialyq keńestiń jumysyna mindetti túrde qatysyp, qupiia daýys berýge qatysýy kerek. Onyń ústine qorǵaýǵa osy salanyń praktikadaǵy mamandary da shaqyrýly múmkin. Eń bastysy, dissertatsiialyq jumys qorǵaýdan ótkennen keiin resmi saittarda únemi qoljetimdi bolýy kerek», - degen ministrlik ókili dissertatsiiany sátsiz qorǵaǵan úmitkerlerge qaita múmkindik berý jaǵy da naqty erejemen bekitilgenin eskertti.
«Halyqaralyq tájiribeni eskere otyryp, qorǵaý qorytyndysy boiynsha 4 túrli sheshim qabyldaný kerek dep bekittik. Olar: PhD-doktor dárejesin berý, dáreje bermeý, qaita tolyqtyrýǵa jiberý nemese qaita qorǵaýǵa jiberý. Tórt sheshimniń de negizdemelik sebepteri tiptik erejede kórsetilgen», - dedi Gúlzat Kóbenova.
