Tsifrlyq damý ministri Baǵdat Mýsin Ashyq qosymshasyn ázirleýde biýdjet qarajaty tiimsiz ketti degen synǵa jaýap berip, barlyq jaýapkershilikti óz moinyna alatynyn aitty, - dep habarlaidy Tengrinews.kz.
"Pandemiia kezinde Memleket basshysy basqasha áreket etýdi tapsyrdy. Bizde birneshe joba boldy, solardyń biri - Ashyq. Biz osyny isteýimiz kerek, biz jasaimyz, bul bizneske kómektesedi dep men barlyǵyn óz jaýapkershiligime aldym. Jobany qoldaýǵa 20-30 millionnan, 100 million teńgege deiin bólindi. Osy arqyly biz kásipkerlerdiń turaqty jumys isteýine múmkindik berdik, mehanizm oilap taptyq jáne bul jaǵdai bárin qutqardy.
Biraz adam maǵan bul biýdjet qarajaty tiimsiz paidalanylǵanyn eskertedi. Iá, árine, bul biýdjettik protsedýralar. Birazy júieni kommertsiialyq paidalanýǵa bermeiinshe aqsha bólmeý kerektigin aitady. Al iske qosý úshin aqparattyq qaýipsizdik sertifikaty qajet. Al aqparattyq qaýipsizdik sertifikatyn alý úshin sizge biýdjettik qarajat qajet jáne ótinish berý kerek jáne t.b. Ol sheksiz sozyla beredi", - dedi Mýsin Esep komitetindegi suraqtarǵa jaýap berip.
Esep komitetiniń basshysy Natalia Godýnova ministrge joba óte paidaly bolyp shyqqandyqtan, oǵan eshqandai shaǵym aitylmaitynyn aitty.
"Tótenshe jaǵdai, karantin, pandemiia kezeńine qatysty barlyq nárseni Densaýlyq saqtaý ministrligi, IIM, Ulttyq ulan, Qorǵanys ministrlikteri tekserdi. Osy kezeńde jasalǵannyń bári erekshe joba jáne biz ony tiimsiz jumsalǵan qarajat dep sanamaimyz. Sebebi Ashyq qosymshasyn osy zalda otyrǵandardyń bári birneshe ret qoldanǵanyna senimdimin. Biz kásipkerlerdiń jumys isteýine, turǵyndardyń ary-beri shyǵýyna múmkindik berdik", - dedi ol.
