Almaty oblysy Jansúgirov kentindegi E. Siqymov atyndaǵy mektep-internatty jańǵyrtýǵa bólingen 867 mln. teńge qarjynyń arqasynda munda seismikalyq kúsheitý jumystary atqarylýymen qatar, 81 oryndy jataqhana ashylyp, qazir malshylardyń balalary men 17 shaǵyn eldi mekennen kelgen 390 oqýshy alańsyz bilim alýda. Jataqhanada kitaphana jasaqtalǵan, túrli úiirmeler jumys isteidi. Mektep óz jylyjaiyna kókónis ósiredi. Biyl monshasy salynyp bitken. 1992 jyly salynǵan mektep osylaisha 2015 jyldan beri jańa kelbetke ie bolyp otyr. Aqsý aýdany əkiminiń esepti jiynyna barǵan oblys əkimi Amandyq Batalov atalmysh bilim mekemesine arnaiy bardy.
Mektep-internat direktory Rahat Ibraiymovanyń aitýynsha, mekteptiń 70 sharshy metrlik jylyjaiy bar. Oǵan qiiar men qyzanaq sebilip, onyń óniminen túsken 370 myń teńge mektep murajaiyn qurýǵa jumsalǵan. Mýzei mektep tarihy men osy mektepten túlep ushqan tanymal tulǵalarǵa arnalǵan. Mysaly, Beijiń Olimpiadasynyń kúmis júldegeri, dziýdoshy Ashat Jitkeevtiń osy jerde bilim alǵanyn mektep ujymy maqtan etip, onyń jetistikke jetý joldary jaily mýzeide materialdar jinaqtaǵan. Mýzeide ólketaný baǵytyndaǵy sabaqtar ótkiziledi.
Oblys əkimi A. Batalovqa mekteptegi robototehnika úiirmesiniń oqýshylary ózderi qurastyrǵan túrli robottardy tanystyryp, olardyń múmkindikteri jaily baiandady. Osy mektepke robototehnika synyby demeýshiler esebinen aýdanda alǵashqy bolyp ashylǵan. Qazir “Nur Otan” partiiasynyń qamqorlyǵymen synyp sany 4-ke jetip, oǵan qatysatyn bala sany 70-ke taiaǵan.
Muǵalimdermen tildesken A. Batalov jalaqylarynyń jaiyn, úi alý jaǵdaiyn, mamandar qajettiligi jaily surap bildi. Belgili bolǵandai, osy mekteptiń 8 jas mamany “Diplommen aýylǵa” baǵdarlamasy boiynsha úi alsa, 4 mamanǵa kóterme járdemaqy berilgen. Mektepte qyzmet jasaityn eki kóp balaly ana da baspanaly bolý baqytyna ie bolypty.
Munan soń oblys əkimi balalar jataqhanasyn aralap, jaǵdailarymen tanysty. Balalar estetikalyq jəne sporttyq baǵyttaǵy 11 úiirme men sektsiialarǵa qatysady. Sonyń ishinde qobyz, violonchel, dombyra, baian, sherter siiaqty aspaptardy meńgerýdi Isatai Isabaev atyndaǵy óner mektebiniń, oblystyq Súiinbai atyndaǵy filarmoniianyń mamandary úiretip júr. Al sporttyń erkin kúres, dziýdo túrlerinen balalar oblystyq jarystarda top jaryp júr.
Osy mekteptiń jylyjaiy men jýyrda salynyp bitken monshasyn da kórdi.
- Jyldar boiy bul nysan apatty mektep dep sanalyp, ony jańǵyrtýǵa qomaqty qarjy bólý tiimsiz dep eseptelgen eken. 2015 jyly ózim kelip kórip, seismokúsheitý jumystary men jańǵyrtý jumystaryna qarjy qarastyrýdy tapsyrǵanmyn. Balalarǵa jaily jataqhana jasalyp, barlyq qajettiliktermen qamtylǵan. Budan bylai da oqýshylardyń alańsyz bilim alýyna barlyq jaǵdailardy jasaimyz. Jas mamandar úshin Aqsý aýdanynda memlekettik baǵdarlamalarmen turǵyn úiler salamyz. Onyń ishinde muǵalimder de baspanamen qamtylatyn bolady, - dedi A. Batalov.
Almaty oblysy ákiminiń baspasóz qyzmeti
