الماتى وبلىسى جانسٷگٸروۆ كەنتٸندەگٸ ە. سيقىموۆ اتىنداعى مەكتەپ-ينتەرناتتى جاڭعىرتۋعا بٶلٸنگەن 867 ملن. تەڭگە قارجىنىڭ ارقاسىندا مۇندا سەيسميكالىق كٷشەيتۋ جۇمىستارى اتقارىلۋىمەن قاتار, 81 ورىندى جاتاقحانا اشىلىپ, قازٸر مالشىلاردىڭ بالالارى مەن 17 شاعىن ەلدٸ مەكەننەن كەلگەن 390 وقۋشى الاڭسىز بٸلٸم الۋدا. جاتاقحانادا كٸتاپحانا جاساقتالعان, تٷرلٸ ٷيٸرمەلەر جۇمىس ٸستەيدٸ. مەكتەپ ٶز جىلىجايىنا كٶكٶنٸس ٶسٸرەدٸ. بيىل مونشاسى سالىنىپ بٸتكەن. 1992 جىلى سالىنعان مەكتەپ وسىلايشا 2015 جىلدان بەرٸ جاڭا كەلبەتكە يە بولىپ وتىر. اقسۋ اۋدانى əكٸمٸنٸڭ ەسەپتٸ جيىنىنا بارعان وبلىس əكٸمٸ اماندىق باتالوۆ اتالمىش بٸلٸم مەكەمەسٸنە ارنايى باردى.
مەكتەپ-ينتەرنات ديرەكتورى راحات يبرايىموۆانىڭ ايتۋىنشا, مەكتەپتٸڭ 70 شارشى مەترلٸك جىلىجايى بار. وعان قييار مەن قىزاناق سەبٸلٸپ, ونىڭ ٶنٸمٸنەن تٷسكەن 370 مىڭ تەڭگە مەكتەپ مۇراجايىن قۇرۋعا جۇمسالعان. مۋزەي مەكتەپ تاريحى مەن وسى مەكتەپتەن تٷلەپ ۇشقان تانىمال تۇلعالارعا ارنالعان. مىسالى, بەيجٸڭ وليمپياداسىنىڭ كٷمٸس جٷلدەگەرٸ, دزيۋدوشى اسحات جيتكەەۆتٸڭ وسى جەردە بٸلٸم العانىن مەكتەپ ۇجىمى ماقتان ەتٸپ, ونىڭ جەتٸستٸككە جەتۋ جولدارى جايلى مۋزەيدە ماتەريالدار جيناقتاعان. مۋزەيدە ٶلكەتانۋ باعىتىنداعى ساباقتار ٶتكٸزٸلەدٸ.
وبلىس əكٸمٸ ا. باتالوۆقا مەكتەپتەگٸ روبوتوتەحنيكا ٷيٸرمەسٸنٸڭ وقۋشىلارى ٶزدەرٸ قۇراستىرعان تٷرلٸ روبوتتاردى تانىستىرىپ, ولاردىڭ مٷمكٸندٸكتەرٸ جايلى باياندادى. وسى مەكتەپكە روبوتوتەحنيكا سىنىبى دەمەۋشٸلەر ەسەبٸنەن اۋداندا العاشقى بولىپ اشىلعان. قازٸر “Nur Otan” پارتيياسىنىڭ قامقورلىعىمەن سىنىپ سانى 4-كە جەتٸپ, وعان قاتىساتىن بالا سانى 70-كە تاياعان.
مۇعالٸمدەرمەن تٸلدەسكەن ا. باتالوۆ جالاقىلارىنىڭ جايىن, ٷي الۋ جاعدايىن, ماماندار قاجەتتٸلٸگٸ جايلى سۇراپ بٸلدٸ. بەلگٸلٸ بولعانداي, وسى مەكتەپتٸڭ 8 جاس مامانى “ديپلوممەن اۋىلعا” باعدارلاماسى بويىنشا ٷي السا, 4 مامانعا كٶتەرمە جەردەماقى بەرٸلگەن. مەكتەپتە قىزمەت جاسايتىن ەكٸ كٶپ بالالى انا دا باسپانالى بولۋ باقىتىنا يە بولىپتى.
مۇنان سوڭ وبلىس əكٸمٸ بالالار جاتاقحاناسىن ارالاپ, جاعدايلارىمەن تانىستى. بالالار ەستەتيكالىق جəنە سپورتتىق باعىتتاعى 11 ٷيٸرمە مەن سەكتسييالارعا قاتىسادى. سونىڭ ٸشٸندە قوبىز, ۆيولونچەل, دومبىرا, بايان, شەرتەر سيياقتى اسپاپتاردى مەڭگەرۋدٸ يساتاي يساباەۆ اتىنداعى ٶنەر مەكتەبٸنٸڭ, وبلىستىق سٷيٸنباي اتىنداعى فيلارمونييانىڭ ماماندارى ٷيرەتٸپ جٷر. ال سپورتتىڭ ەركٸن كٷرەس, دزيۋدو تٷرلەرٸنەن بالالار وبلىستىق جارىستاردا توپ جارىپ جٷر.
وسى مەكتەپتٸڭ جىلىجايى مەن جۋىردا سالىنىپ بٸتكەن مونشاسىن دا كٶردٸ.
- جىلدار بويى بۇل نىسان اپاتتى مەكتەپ دەپ سانالىپ, ونى جاڭعىرتۋعا قوماقتى قارجى بٶلۋ تيٸمسٸز دەپ ەسەپتەلگەن ەكەن. 2015 جىلى ٶزٸم كەلٸپ كٶرٸپ, سەيسموكٷشەيتۋ جۇمىستارى مەن جاڭعىرتۋ جۇمىستارىنا قارجى قاراستىرۋدى تاپسىرعانمىن. بالالارعا جايلى جاتاقحانا جاسالىپ, بارلىق قاجەتتٸلٸكتەرمەن قامتىلعان. بۇدان بىلاي دا وقۋشىلاردىڭ الاڭسىز بٸلٸم الۋىنا بارلىق جاعدايلاردى جاسايمىز. جاس ماماندار ٷشٸن اقسۋ اۋدانىندا مەملەكەتتٸك باعدارلامالارمەن تۇرعىن ٷيلەر سالامىز. ونىڭ ٸشٸندە مۇعالٸمدەر دە باسپانامەن قامتىلاتىن بولادى, - دەدٸ ا. باتالوۆ.
الماتى وبلىسى ەكٸمٸنٸڭ باسپاسٶز قىزمەتٸ
