«QazMunaiTeńiz» TMK» JShS Boranqul ken ornynda órt saldarynan mert bolǵan eki jumyskerdiń otbasyna materialdyq kómek retinde 5 mln teńge tóledi, dep habarlaidy QazAqparat.
Sonymen qatar kompaniia óziniń ishki qujattaryna jáne QR zańnamasyna sáikes ózge de materialdyq kómek kórsetti. Budan bólek, qazirgi ýaqytta olardyń asyraýynda bolǵan otbasy múshelerine saqtandyrý tólemderin taǵaiyndaý máselesi de pysyqtalýda.
«QazMunaiGaz» UK AQ jáne «QazMunaiTeńiz» TMK» JShS marqumdardyń týystary men jaqyndaryna orny tolmas qaiǵylaryna ortaqtasyp kóńil aitady.
Esterińizge sala keteiik, buǵan deiin Boranqul ken ornyndaǵy jataqhanadan shyqqan órtten eki adam qaza tapqanyn habarlaǵan bolatynbyz. Oqys oqiǵa Nur-Sultan qalasynyń ýaqyty boiynsha shamamen saǵat 04.55-te Mańǵystaý oblysy «QazMunaiTeńiz» TMK» JShS-ne qarasty Boranqul ken ornyndaǵy eki qabatty jataqhanada bolǵan.
