Bilim jáne ǵylym ministri Ashat Aimaǵambetov koronavirýstyń taralýyna jol bermeý úshin JOO men kolledjderdiń jataqhanalaryndaǵy stýdentter úilerine qaitarylyp jatqanyn málim etti, dep habarlaidy "Ult aqparat".
«Kolledjder men JOO-lar týraly da aqparat berdik. Olar qashyqtan oqý formatyna kóshti. Bizde JOO-lar boiynsha jalpy problema joq. Daiyn júieleri bar. Kolledjderdiń basym bóligi boiynsha da bizde problema joq. Keibir kolledjde osyndai suraqtar týyndaǵan. Sondyqtan keibir kolledjde qashyqtan oqytý júiesin tezirek ornatyp, júiege tiisti aqparat engizý máselesin pysyqtap jatyrmyz», - dedi Ashat Aimaǵambetov OKQ-da ótken baspasóz máslihatynda.
Ministr jataqhanalar máselesi týraly da sóz qozǵady. Onyń aitýynsha jataqhanalardy bosatyńdar dep, stýdentterdiń bárin qýatyndai jaǵdai bolmaidy.
«Biletterin alyp, úilerine qaitý degendei máseleler bar. Sondyqtan biz JOO, kolledjderdiń basshylaryna tiisti tapsyrma berdik. Eger qalai bolsa da jataqhanada qalýym kerek, basqa baratyn jerim joq degen stýdentter jataqhanada ary qarai qalýyna múmkindik bar. Biraq sol jataqhanada eshqandai sharalar ótpeidi. Árqaisysy óz bólmesinde bolyp, aralaspai, osyndai rejimde ómir súrýi kerek», - dedi ol.
