QR Bilim jáne ǵylym vitse-ministri Qýanysh Erǵaliev UBT barysyndaǵy akademiialyq adaldyqty buzý faktilerin atady, dep habarlaidy QazAqparat.
«Testileý barysynda birqatar akademiialyq adaldyqty buzý faktileri bolǵan. Atap óter bolsaq, talapkerlerdiń jasyryn kameralarmen kelýi, shaǵyn qulaqqaptardy qoldanýy, 45 ólshemdi krossovka kiip, ultaraqtyń ornyna smartfon salý, meditsinalyq maskalardyń ishki jaǵyna qajetti jazbalar jazý jáne taǵy basqa da ádiletsizdikterge barý oryn aldy», - dedi ol ministrliktiń apparat jinalysynda.
Osy oraida vitse-ministr talapkerlerdiń únemi jasaityn ádetteriniń biri juqa smarftondy shokolad oramasyna orap alyp kirýge tyrysý ekendigin aitady.
«UBT-ǵa múmkindigi shekteýli 90 bala qatysty. Olar úshin jeke aýditoriialar men kómekshiler usynyldy. 9 túsýshiniń dene qyzýy kóterilip, olar tolyqtai saýyqqannan keiin testileýdi basqa kúnderi qaita tapsyrdy», - Qýanysh Erǵaliev.
