Janat Samat Qazaqstandaǵy kádege jaratý tólemine jaýapty "Jasyl Damý" AQ basshysy bolyp taǵaiyndaldy, - dep habarlaidy "Ult aqparat" ministrliktiń baspasóz qyzmetine silteme jasap.
"QR Ekologiia, geologiia jáne tabiǵi resýrstar ministri S.Brekeshevtiń buiryǵymen «Jasyl damý» AQ basqarma tóraǵasy bolyp Janat Samat taǵaiyndaldy", - delingen habarlamada.
Aita keteiik, buǵan deiin Prezident tapsyrmasymen ýtil alymyn jinaityn jekemenshik "Operator ROP" kompaniiasynyń qyzmeti toqtatyldy. Ony memlekettik operator – "Jasyl damý" kompaniiasy almastyrdy.
Qazir quzyrly organdar "Operator ROP" kompaniiasyna qatysty tekseris júrgizip jatyr. Burynǵy operatordyń fýnktsiialaryn memlekettik kompaniiaǵa berý protsesi áli aiaqtalǵan joq. Osyǵan bailanysty "Jasyl damý" ýtilizatsiialyq alym jinaýdy ýaqytsha toqtatty.
Janat Samat 1980 jyly Aqtaý qalasynda dúniege kelgen. 2001 jyly Esenov atyndaǵy Aqtaý ýniversitetin bitirgen.
Eńbek jolyn 2001 jyly Mańǵystaý oblysy boiynsha Salyq komitetiniń iri salyq tóleýshilerdi taldaý jáne monitoring bóliminiń bas salyq inspektory retinde bastady. Ár jyldary óńirdiń salyq komitetinde kelispeýshilikter men konsýltatsiia bóliminiń, jeke tulǵalar aýditi bóliminiń, jer qoinaýyn paidalanýshylar aýditi bóliminiń bas salyq inspektory bolyp jumys istedi.
2008 jyly Mańǵystaý oblysynyń kásipkerlik jáne ónerkásip basqarmasy bastyǵynyń orynbasary bolyp taǵaiyndaldy, sodan keiin "Kaspii "ÁKK "UK" AQ basqarma tóraǵasynyń orynbasary laýazymyna taǵaiyndaldy.
2014 jyldan 2016 jylǵa deiin Qyzylorda qalasynda "Baiqońyr" áleýmettik-kásipkerlik korporatsiiasy" UK" AQ basqarma tóraǵasy bolyp jumys istedi. 2019 jyldan bastap Qazaqstan Respýblikasy Ekologiia, geologiia jáne tabiǵi resýrstar ministriniń keńesshisi boldy.
2020 jyldan bastap Qazaqstan Respýblikasy Ekologiia, Geologiia jáne tabiǵi resýrstar ministrligi janyndaǵy "Qorshaǵan ortany qorǵaýdyń aqparattyq-taldaý ortalyǵy" ShJQ RMK bas direktory bolyp jumys istedi.
Turmysta, úsh bala tárbielep otyr. Ol - ekonomika ǵylymdarynyń kandidaty.
