Foto: gov.kz
Shoqan Ýálihanov atyndaǵy jekemenshik mektep Almaty qalasyndaǵy jalpy bilim beretin mektepterdiń 1–4-synyp oqýshylary arasynda ekologiialyq baiqaý uiymdastyrdy. Bul baiqaý «Jasyl bolashaq» eko-festivali aiasynda ótkizildi jáne oqýshylardyń ekologiialyq saýattylyǵyn arttyrýǵa, shyǵarmashylyq qabiletterin damytýǵa jáne tabiǵatqa jaýapkershilikpen qaraýdy qalyptastyrýǵa baǵyttaldy, dep habarlaidy Ult.kz.
Baiqaý eki kezeńnen turdy. Birinshi — irikteý kezeńi — qashyqtyqtan ótti: qatysýshylar 2025 jylǵy 26 mamyrǵa deiin óz jumystaryn jasylbolashaq.kz saityna júktedi. 80-nen astam finalist 30 mamyrda — Halyqaralyq balalardy qorǵaý kúninde — Sh. Ýálihanov atyndaǵy jekemenshik mektep aýmaǵynda (Samal-3 yqsham aýdany, 37/1 úi) ótken kórmege jáne marapattaý rásimine shaqyryldy.
Baiqaýǵa 3–6 oqýshydan turatyn toptar qatysty. Olar ekologiialyq máseleler jáne olardy sheshý joldary taqyrybynda plakat ázirledi. Jumystar bes kriterii boiynsha baǵalandy: taqyrypqa sáikestik, ideianyń ereksheligi, kórkemdik deńgeii, ujymdyq eńbek jáne usynylǵan sheshimniń praktikalyq mańyzdylyǵy. Finalister diplomdar men baǵaly syilyqtarǵa ie boldy, al barlyq qatysýshylarǵa elektrondy sertifikattar tabystaldy.
Sonymen qatar, balalar ekologiialyq máselelerdi sheshýge baǵyttalǵan sheberlik sabaqtaryna, oiyndarǵa jáne estafetalarǵa belsendi qatysty.
«Biz balalarǵa bilim berip qana qoimai, tabiǵatqa jáne el bolashaǵyna jaýapkershilik sezimin de qalyptastyrýǵa tyrysamyz. Ekologiialyq baiqaý — jas almatylyqtardyń bastama kóterýine, toppen jumys isteýine jáne ekologiialyq máselelerge shyǵarmashylyq turǵyda kózqaras bildirýine múmkindik beredi», — dedi mekteptiń negizin qalaýshy Ásel Tasmaǵambetova.
Joba «Jasyl Qazaqstan» memlekettik tujyrymdamasyn qoldai otyryp júzege asyrylýda jáne qalamyzdaǵy bastaýysh synyp oqýshylarynyń ekologiialyq mádenietin damytýǵa baǵyttalǵan. Eń úzdik jumystar resmi saitta jáne Jasyl Bolashaq mobildi qosymshasynda jariialanady.
