Parlament Májilisiniń jalpy otyrysy jańa formatta ótip jatyr, dep habarlaidy "Ult aqparat".
«Búgingi jalpy otyrys birshama ózgergen formatta ótip jatyr. Bizdiń keibir áriptesterimiz qatysyp otyrǵan joq, alaida alańdaýdyń reti joq, olardyń barlyǵy aman-esen. Dúniejúzilik densaýlyq saqtaý uiymynyń nusqaýyna sáikes, jasy 65-ten asqan keibir áriptesterimizge jalpy otyrysqa qatyspaýǵa jáne úilerinde bolýǵa keńes berdik», - dedi Májilis Tóraǵasy Nurlan Nyǵmatýlin.
Osy oraida ol jinalǵan depýtattardyń sany jalpy otyrysty mundai formatta ótkizýge múmkindik beretinin jetkizdi.
«Endi jalpy otyrystarǵa árbir zań jobasy boiynsha tek depýtattar men negizgi baiandamashylar qatysady. Bul óz kezeginde zalda otyrǵandardy Dúniejúzilik densaýlyq saqtaý uiymynyń sanitarlyq normalaryna sai ornalastyrýǵa múmkindik berdi», - dedi Nurlan Nyǵmatýlin.
