Ult bolashaǵy bilimdi jas pen bilikti urpaqtyń qolynda. Sondyqtan da elimizde bul baǵytta kóptegen igi ister qolǵa alynýda. Búgin «Nur Otan» partiiasy men Bilim jáne ǵylym minstrligi, Eńbek jáne halyqty áleýmettik qorǵaý ministrligi jáne Din isteri jáne azamattyq qoǵam ministrlikteri arasynda qol qoiylǵan tórtjaqty memorandým da osy qatardaǵy tyń bastamalardyń bir parasy.
«Sátti qadam» partiialyq jobasynyń úshinshi baǵytyn júzege asyrýǵa arnalǵan qujat arqyly ulttyq biryńǵai testileýde shektik deńgeiden óte almaǵan jáne synaqqa qatyspaǵan mektep túlekterin oqytyp, jumysqa ornalastyrý kózdelgen. Elbasynyń tikelei tapsyrmasymen júzege asyrylyp otyrǵan joba jóninde «Nur Otan» partiiasy Tóraǵasynyń Birinshi orynbasary Muhtar Qul-Muhammed: «Elbasymyzdyń tapsyrmasyn oryndaý úsh úlken máseleniń túiinin sheshýge múmkindik beredi: mektep bitirgen jastar memlekettiń qamqorlyǵyn sezinip, birden jumyspen qamtylady; mamandyq igeredi jáne jańadan ashylǵan kásiporyndar jumys kúshimen qamtamasyz etiledi. Birde bir mektep bitirýshi bizdiń nazarymyzdan tys qalmaýy kerek. Bul qoǵamǵa da, memleketke de óte paidaly is», – dedi.
Aita keteiik, sharaǵa joǵaryda atalǵan ministrlik basshylary Erlan Saǵadiev, Tamara Dúisenova jáne Nurlan Ermekbaevpen qatar jaýapty memlekettik organ ókilderinen qurylǵan jumys tobynyń músheleri, partiianyń óńirlik filialdary men «Jas Otan» Jastar qanatynyń ókilderi qatysty.
Alash kósemi Ahmet Baitursynuly aitqandai, bizge basqadan kem bolmas úshin bilimdi, bai hám kúshti bolý kerek. Ol úshin ne isteý kerektigin ult ustazy: «Bilimdi bolýǵa oqý kerek. Bai bolýǵa kásip kerek. Kúshti bolýǵa birlik kerek», – dep naqty aityp ketken. Osy turǵydan kelgende «Nur Otan» partiiasy qolǵa alǵan «Sátti qadam» jobasynyń bereri mol.
