Sýret: Pexels
Qazaqstanda 21 jasqa tolmaǵan adamdarǵa energetikalyq sýsyndardy satýǵa tyiym salynady. Bul norma búgin Májilistiń jalpy otyrysynda qabyldanǵan lotereia qyzmeti máseleleri boiynsha ózgerister engizý týraly zańda qamtyldy. Májilis depýtaty Elnur Beisenbaevtyń aitýynsha, qumar oiyndarǵa áýestengen azamattar túni boiy sergek júrip, qumar oiyn oinaý úshin energetikalyq sýsyndardy kóptep alady.
«Qarjylyq monitoring agenttigi málimetine qaraǵanda, qazir kámeletke tolmaǵan 200 myńnan astam adam turaqty túrde qumar oiyn oinaǵan. Bul jasóspirimder de energetikalyq sýsyndardy iship otyryp, bás tigýleri múmkin. Energetikalyq sýsyndar alkogolden de qaýipti boldy. Qazir 10 jasar bala da energetikalyq sýsyndy ońai satyp alady. Osyǵan orai Memleket basshysynyń tapsyrmasyn oryndaý maqsatynda 21 jasqa tolmaǵan adamdarǵa energetikalyq sýsyndardy satýǵa tyiym salyndy», - dedi depýtat.
Aita keteiik, búgin Májilistiń jalpy otyrysynda «Qazaqstan Respýblikasynyń keibir zańnamalyq aktilerine oiyn biznesi, lotereialar jáne lotereia qyzmeti máseleleri boiynsha ózgerister men tolyqtyrýlar engizý týraly» Zańy ekinshi oqylymda qaralyp, qabyldandy.
