QR Qorǵanys ministri Rýslan Jaqsylyqov oqýǵa túsken jáne jas balasy bar jastardy áskerge shaqyrý máselesine qatysty pikir bildirdi, dep habarlaidy QazAqparat.
«Kez kelgen azamattyń qasietti paryzy – memleketti qorǵaý. Er azamat 18 jasqa tolǵannan keiin áskeri boryshyn óteýi qajet. Bul talap mindettelmeitin jaittar bar. Merzimin keiinge qaldyrý sheshimin jergilikti áskeri komissariat qabyldaidy. Bizde jastardyń ásker qatarynan boi tasalaýy óte kóp kezdesedi. Alaida zań bárimizge ortaq», - dedi ministri Májilistiń kýlýarynda.
Onyń aitýynsha, eger áskerge jasy tolǵan azamattyń qolynda joǵary oqý ornyna túskeni týraly anyqtama bolsa, boryshyn óteý merzimi keiinge qalady.
«Eger jas azamat atyna áskerge shaqyrtý qaǵazy kelse, oqýǵa túskeni týraly qujatyn jergilikti áskeri basqarý organdaryna ýaqytynda bermegen degen sóz. Bar bolǵany osy. Eger áskeri boryshty keiinge qaldyrýǵa quqyńyz bolsa, tiisti qujatyńyzdy ótkizińiz. Sonyń negizinde keiinge qalasyz. Jas bolsańyz da, oqýǵa tússeńiz de, osylai ýaqytynda qujat tapsyryńyz. Biz qujatty ýaqytynda bergenniń ornynda qashqaqtap júrip alamyz», - dedi Rýslan Jaqsylyqov.
Sondai-aq ol ásker qataryna shaqyrýshylar tarapynan da zań buzý faktisi bolýy múmkin ekenin moiyndady.
«Men ondai jaittyń bolý múmkindigin joqqa shyǵarmaimyn. Jastardan joǵary oqý ornyna túsip, UBT tapsyryp, qujattaryn oqýǵa ótkizip qoisa da, áskerge shaqyrylǵany týraly ótinishter kóp túsedi. Óitkeni olar jergilikti ákeri basqarma organdaryna tiisti qujattardy ýaqytyn ótkizbeidi. Tiisti anyqtama berińizder, biz merzimdi keiinge shegerý múmkindigin beremiz», - dedi ministr.
