قر قورعانىس مينيسترٸ رۋسلان جاقسىلىقوۆ وقۋعا تٷسكەن جەنە جاس بالاسى بار جاستاردى ەسكەرگە شاقىرۋ مەسەلەسٸنە قاتىستى پٸكٸر بٸلدٸردٸ, دەپ حابارلايدى قازاقپارات.
«كەز كەلگەن ازاماتتىڭ قاسيەتتٸ پارىزى – مەملەكەتتٸ قورعاۋ. ەر ازامات 18 جاسقا تولعاننان كەيٸن ەسكەري بورىشىن ٶتەۋٸ قاجەت. بۇل تالاپ مٸندەتتەلمەيتٸن جايتتار بار. مەرزٸمٸن كەيٸنگە قالدىرۋ شەشٸمٸن جەرگٸلٸكتٸ ەسكەري كوميسساريات قابىلدايدى. بٸزدە جاستاردىڭ ەسكەر قاتارىنان بوي تاسالاۋى ٶتە كٶپ كەزدەسەدٸ. الايدا زاڭ بەرٸمٸزگە ورتاق», - دەدٸ مينيسترٸ مەجٸلٸستٸڭ كۋلۋارىندا.
ونىڭ ايتۋىنشا, ەگەر ەسكەرگە جاسى تولعان ازاماتتىڭ قولىندا جوعارى وقۋ ورنىنا تٷسكەنٸ تۋرالى انىقتاما بولسا, بورىشىن ٶتەۋ مەرزٸمٸ كەيٸنگە قالادى.
«ەگەر جاس ازامات اتىنا ەسكەرگە شاقىرتۋ قاعازى كەلسە, وقۋعا تٷسكەنٸ تۋرالى قۇجاتىن جەرگٸلٸكتٸ ەسكەري باسقارۋ ورگاندارىنا ۋاقىتىندا بەرمەگەن دەگەن سٶز. بار بولعانى وسى. ەگەر ەسكەري بورىشتى كەيٸنگە قالدىرۋعا قۇقىڭىز بولسا, تيٸستٸ قۇجاتىڭىزدى ٶتكٸزٸڭٸز. سونىڭ نەگٸزٸندە كەيٸنگە قالاسىز. جاس بولساڭىز دا, وقۋعا تٷسسەڭٸز دە, وسىلاي ۋاقىتىندا قۇجات تاپسىرىڭىز. بٸز قۇجاتتى ۋاقىتىندا بەرگەننٸڭ ورنىندا قاشقاقتاپ جٷرٸپ الامىز», - دەدٸ رۋسلان جاقسىلىقوۆ.
سونداي-اق ول ەسكەر قاتارىنا شاقىرۋشىلار تاراپىنان دا زاڭ بۇزۋ فاكتٸسٸ بولۋى مٷمكٸن ەكەنٸن مويىندادى.
«مەن ونداي جايتتىڭ بولۋ مٷمكٸندٸگٸن جوققا شىعارمايمىن. جاستاردان جوعارى وقۋ ورنىنا تٷسٸپ, ۇبت تاپسىرىپ, قۇجاتتارىن وقۋعا ٶتكٸزٸپ قويسا دا, ەسكەرگە شاقىرىلعانى تۋرالى ٶتٸنٸشتەر كٶپ تٷسەدٸ. ٶيتكەنٸ ولار جەرگٸلٸكتٸ ەكەري باسقارما ورگاندارىنا تيٸستٸ قۇجاتتاردى ۋاقىتىن ٶتكٸزبەيدٸ. تيٸستٸ انىقتاما بەرٸڭٸزدەر, بٸز مەرزٸمدٸ كەيٸنگە شەگەرۋ مٷمكٸندٸگٸن بەرەمٸز», - دەدٸ مينيستر.
