Memleket basshysy Qasym-Jomart Toqaev 1 qyrkúiek kúngi Qazaqstan halqyna «Ádiletti memleket. Birtutas Ult. Berekeli qoǵam» atty Joldaýynda memlekettiń áleýmettik-ekonomikalyq damýyn qamtamasyz etýdiń mańyzdylyǵy jaiynda óte ózekti máselelerdi kóterdi. Osy turǵydan kelgende Joldaý erekshe dep topshylaýǵa bolady. Memleket basshysy óz joldaýynda jastar saiasatyna qatysty birqatar mańyzdy máselelerge de toqtalyp ótti.
Solardyń biri jastardy damytý men olardy qoldaýǵa arnalǵan baǵdarlama qajet ekenin aita kele: «Elimizdi innovatsiialyq jolmen damytý úshin Astanada jáne Almatyda qajetti ekojúie qalyptastyrýǵa mán berilip otyr. Biraq munymen shektelýge bolmaidy. Men aimaqtarǵa barǵanda daryndy ári oiy ushqyr, iaǵni kreativti azamattarmen únemi kezdesemin. Biz olardyń óz áleýetin tolyq ashýyna jaǵdai jasaýymyz kerek. Aimaqtaǵy joǵary oqý oryndarynyń negizinde birtutas innovatsiialyq ekojúie qurý qajet. Ony naqty sektormen tyǵyz yntymaqtasa otyryp júzege asyrǵan jón. Bul jumysty árbir oblys ortalyǵynda júrgizý kerek. Astana habynyń tájiribesin keńinen paidalanǵan jón» dep topshylady. Biz bilýimiz kerek, elimizdiń bolashaǵy jastar ekendigin. Eger jastarymyz bilimdi, bilikti bolsa elimiz qaryshtap damidy, iaǵni ekonomikamyz kóteriledi degen sóz. Sol sebepti, qazrgi tańda jańa ómirge qadam basqan stýdentter men jas ǵalymdarǵa jaǵdai jasaýdy odan ári memleket tarapynan qoldap, ártúrli baǵdarlamalardy iske asyrýdy talap etedi. Naqtyraq aitsaq, ýniversitetterde jatahanalardyń jetispeýi, ǴZI-da jumys isteitin baspanasy joq jastarǵa (jas otbasylarǵa) Ǵylym jáne joǵary bilim ministrliginiń tikelei aralasýymen memlekettik baǵdarlama arqyly baspana máselesin sheship berý qajet.
Sondai-aq, JOO-yn bitirgen jas mamandarǵa ministrlik tarapynan jumysqa ornalastyrý máselesin sheship bergen ońdy. JOO oqýdy bitirgen stýdentterden jumysqa ornalasty degen ótirik anyqtama aldyrtýdy shektek qajet. Ókinishke orai bul úrdis bizde beleń alyp tur. Osyndai olqylyqtardy sheshetin bolsaq elimizde jastar turaqtaityn edi. Osy kezde bárimizge belgili bilimdi, oiy ushqyr kóptegen jastar shetel asyp ketip jatyr. Osynyń barlyǵy jastarǵa jaǵdai jasaýdyń salǵyrttyǵynan bolyp jatqan dúnie. Taǵyda bir aita keterlik másele bul – memlekettik ideologiianyń nashar jumys isteýinde. Biz jastardy Otan súigishtikke, memleketke degen adaldyqqa úiretýimiz qajet. Onyń barlyǵy bala baqshadan bastalýǵa tiis.
Prezident joldaýda: «Oqý-aǵartý ministrligi popýlisterdiń jeteginde ketpei, balalardyń múddesin qorǵaýǵa tiis. Bilimdi jáne birneshe tildi meńgergen urpaq bolashaqqa senimmen qadam basady. Bizdiń kúshimiz – jastardyń biliminde» dedi.
Sh.Ýálihanov atyndaǵy
Tarih jáne etnologiia
institýtynyń jas ǵalymdar keńesiniń múshesi, PhD
T.Ápendiev
