Almatyda «Jańa Qazaqstan. Kúshimiz birlikte» jastar festivali ótti. Jas qazaqstandyqtar Memleket basshysynyń halyqqa Joldaýynda jariialanǵan saiasi reformalar baǵdarlamasyn qoldady.
«Almaty Arena» alańynda ótken is-sharaǵa júzdegen jastar qozǵalysynyń belsendileri – óner qairatkerleri, sportshylar, qoǵamdyq uiymdar ókilderi, jas kásipkerler men stýdentter qatysty, dep habarlaidy QazAqparat.
Festival-kontserttiń bastamashylary men demeýshileri - biznesmen, metsenat Syrymbek Taý jáne onyń joldastary boldy.
«Jańa Qazaqstan» jastar qozǵalysyn shyǵarmashyl jastar ókili Ońdasyn Qulymbet, G-38 stýdentter qozǵalysynyń negizin qalaýshy Aisulý Erniiazova, kásibi boksshy Janqosh Turarov jáne basqa da belsendi jastar ókilderi qoldady.
Qazaqstan Prezidenti Qasym-Jomart Toqaev óziniń «Jańa Qazaqstan: jańarý men jańǵyrý joly» Joldaýynda: «Biz adamdardyń energiiasyna, talanty men eńbekqorlyǵyna arqa súieimiz. Árbir azamattyń ózin-ózi júzege asyrýy úshin barynsha qolaily jaǵdai jasaimyz. Tek osylai ǵana biz halqymyzdyń jasampazdyq áleýetin arttyra alamyz» dep atap ótti.
Jastar festivaliniń qatysýshysy-halyqaralyq bilim berý korporatsiiasynyń birinshi prorektory Qaiyrjan Meńdiǵaliev Prezidenttiń bastamalaryn qoldaidy.
Ol «Jańa Qazaqstan» qozǵalysy jigerli jáne sapaly jumys isteýge umtylatyn jastarǵa kómektese alady dep sanaidy.
«Men is-sharaǵa stýdenttermen birge «Jańa Qazaqstan» bastamasyn qoldaýǵa keldim. Búgin biz bárimiz Prezidentimiz-Qasym-Jomart Kemeluly Toqaevtyń tóńiregine biriktik. Onyń ideialary, reformalary, Joldaýy ainalasynda. Qymbatty dostar, búginde bizdiń Prezidentimiz aitqandai – «Bizdiń kúshimiz – birlikte» Osy kúrdeli kezeńde elimizdiń táýelsizdigi men birligi siiaqty qundylyqtar birinshi orynǵa shyǵady», – dep atap ótti Qaiyrjan Meńdiǵaliev.
Qazaqstan-Britan tehnikalyq ýniversitetiniń prorektory Ekaterina Smoliakova: «Biz uly jetistikterdiń aldynda turmyz. Bolashaǵymyz búgin bastalady. Qazirgi jastar bilim men innovatsiiaǵa, naqty maqsattarǵa umtylady. Men jańa Qazaqstandy qura alatynymyzǵa senimdimin. 16 naýryzda Qazaqstan halqyna Joldaýynda Prezident: «Men azamattarymyzdyń erteń emes, búgin baqytty ómir súrgenin qalaimyn», – dedi. Sondyqtan bizdiń jarqyn bolashaǵymyz búginnen bastalady. Jańa Qazaqstan – bul biz!» dep atap ótti.
Ánshi Baǵlan Ábdiraiymov progressivtilikti, ózin men álemdi ózgertýge daiyndyqty sózben emes, ispen dáleldeýge shaqyrdy.
«Jastar óz ýaqytyn durys paidalanyp, ony igi isterge jumsaýy tiis. El men ulttyń bolashaǵy jastarǵa tikelei bailanysty. Bizge bilimdi jáne qazaqstandyqtardyń patriot urpaǵy, jańa Qazaqstannyń damý draiveri bolý qajet. Óz sózderiniń birinde Prezident Qasym-Jomart Toqaev jastardyń qozǵaýshy kúsh ekenin, zor áleýetin atap ótti. Biz bul mejeni kóterýimiz kerek!», – dedi tanymal oryndaýshy.
Eske salsaq, 16 naýryzda qoǵam jáne biznes ókilderi «Jańa Qazaqstan» qoǵamdyq jastar qozǵalysyn qurý týraly jariialady.
Bul uiym, qozǵalys bastamashylarynyń aitýynsha, tek Almatyda ǵana emes, óńirlerdegi JOO stýdentterimen jumys isteidi.
Osy qozǵalystyń qurmetine orai ońtústik astananyń jastaryn biriktirgen «Jańa Qazaqstan. Kúshimiz birlikte» festivali ótti.
