QR Aqparat jáne qoǵamdyq damý ministrligi jumys istep júrgen jastarǵa satyp alý quqyǵynsyz turǵyn jaidy jalǵa berý qaǵidalaryn bekitti, dep habarlaidy "Ult aqparat".
Bekitilgen qaǵidaǵa sáikes, ótinish berýshi satyp alý quqyǵynsyz jalǵa beriletin turǵyn jaidy alý úshin ýákiletti organǵa mynadai qujattardy usynady:
1) osy qaǵidalarǵa qosymshaǵa sáikes nysan boiynsha ótinish;
2) ótinish berýshiniń jeke basyn kýálandyratyn qujattyń kóshirmesi (túpnusqa jeke basyn sáikestendirý úshin usynylady);
3) bilimi týraly qujattyń kóshirmesi;
4) neke qiiý týraly kýáliktiń kóshirmesi (bar bolsa);
5) balalardyń týý týraly kýáliginiń (teriniń) kóshirmesi (bar bolsa);
6) ótinish berýshige jáne otbasynyń barlyq múshelerine jyljymaityn múliktiń joq (bar) ekendigi týraly anyqtama;
7) jumys ornynan anyqtama;
8) ótinish berýshiniń ai saiynǵy tabysyn keminde 40 (qyryq) ailyq eseptik kórsetkish mólsherinde rastaityn sońǵy alty ai ishindegi tabysy týraly anyqtama;
9) Qazaqstan Respýblikasy Eńbek kodeksiniń 35-babyna sáikes eńbek ótilin rastaityn qujattar;
10) banktik shottyń bolýy jáne nómiri týraly anyqtama jáne banktik shot boiynsha aqshanyń qaldyǵy jáne qozǵalysy týraly úzindi;
11) ótinish berýshiniń túrli qyzmet salalaryndaǵy jeke jetistikterin rastaityn qujattar (bar bolsa).
Baldardy esepteý baldyq júie boiynsha júzege asyrylady:
1) Qazaqstan Respýblikasy Úkimetiniń 2018 jylǵy 13 qarashadaǵy №746 qaýlysymen bekitilgen Nátijeli jumyspen qamtýdy jáne jappai kásipkerlikti damytýdyń 2017 - 2021 jyldarǵa arnalǵan «Eńbek» memlekettik baǵdarlamasyna sáikes halyqty jumyspen qamtý máseleleri boiynsha ýákiletti organ bekitken naryqta 100 (júz) suranysqa ie kásipter tizbesine sáikes kásipti meńgergen ótinish berýshige –10 ball;
2) otbasy bolǵan jaǵdaida – 5 ball, nekede tirkelgen árbir jyly úshin – 2 ball;
3) 1 (bir) bala bolǵan jaǵdaida – 1 ball, árbir keiingi bala úshin – 2 ball;
4) jeke kásipkerlik qyzmetti júzege asyrǵan kezde keminde 1 jyl – 5 ball, árbir jyl úshin – 1 ball;
5) ótinish berýshiniń túrli qyzmet salalarynda jeke jetistikteri bolǵan jaǵdaida - 2 ball;
6) biýdjettik uiymdardaǵy eńbek qyzmeti úshin (memlekettik mekemelerde men memlekettik kásiporyndarda) – 5 ball, ótiliniń árbir jyly úshin – 1 ball;
7) ekinshi deńgeili bankterdiń jinaq shottaryndaǵy (depozitterindegi) jinaqtardyń árbir jyly úshin – 2 ball.
Baldar teń bolǵan jaǵdaida ótinish bergen kúnnen buryn ótinish bergen úmitkerler basymdyqqa ie bolady. Satyp alý quqyǵynsyz jalǵa beriletin turǵyn úi 5 jyl merzimge beriledi.
