Elimizde 2025 jylǵa deiingi «Jastar – Otanǵa!» baǵdarlamasy aiasynda jol kartasy bekitildi. Bul týraly «Biz - el patriotymyz» halyqaralyq jastar forýmynda «Nur Otan» partiiasy Tóraǵasynyń birinshi orynbasary Baýyrjan Baibek aitty, dep habarlaidy QazAqparat.
«Tuńǵysh Prezident – Elbasy, «Nur Otan» partiiasynyń Kóshbasshysy «el men ulttyń bolashaǵy jastarǵa tikelei bailanysty» ekendigin únemi aityp keledi. Dál osyǵan orai «Nur Otan» partiiasy elimizdiń jas býynyna erekshe nazar aýdarady. Partiia qurylǵannan keiingi alǵashqy jyly-aq «Jas Otan» jastar qanaty uiymdastyryldy. Qazir ol 20 jyldyq tarihyndaǵy elimizdegi eń iri jastar uiymy sanalady. Búginde «Jas Otan» qataryndaǵy jas patriottardyń sany 100 myńnan asyp jyǵylady. Qazaqstannyń barlyq 17 óńirinde filialdary men bólimsheleri jumys isteidi», - dedi ol.
Baýyrjan Baibek osydan bir apta buryn partiianyń Saiasi keńesi biýrosy 2025 jylǵa deiingi «Jastar – Otanǵa!» baǵdarlamasyn júzege asyrý jónindegi jol kartasyn bekitkendigin atap ótti.
«Dál osyndai jol kartalaryn «Nur Otan» partiiasy óńirlik filialdarynyń biýrolary da bekitti. Onda azamattyq belsendilik, sapaly bilim, eńbekpen qamtý, jas otbasylardy qoldaý jáne baspanamen qamtý, tulǵalyq damý men bos ýaqytty uiymdastyrý máselelerine qatysty 5 negizgi baǵyt qamtylǵan. Iaǵni, qazirgi jastardy tolǵandyratyn máselelerdiń bári qarastyrylǵan. Búginde elimizdiń barlyq óńirindegi jergilikti ókildik organdarda otyrǵan 616 jas depýtatymyz bul máselelerdi baqylaýda ustap, halyqpen jumys isteý arqyly belgilengen josparǵa qol jetkizedi dep úmittemiz», - dedi Baýyrjan Baibek.
