Jastar kásipkerligin damytýǵa biýdjetten qosymsha 5 mlrd teńge bólinedi. Bul týraly búgin Jastar jylynyń jabylý jáne Volonter jylynyń ashylý saltanatynda Memleket basshysy Qasym-Jomart Toqaev aitty, dep habarlaidy QazAqparat.
QR Prezidenti turǵyn úi, jumyspen qamtý, sapaly ári qoljetimdi bilim berý isi qolǵa alynǵanyn aitty. Elimizdiń iri qalalarynda jumysshy jastarǵa 9 myń páter berý týraly sheshim qabyldanǵanyn eske saldy.
«Ony jalǵa alý quny aiyna 15 myń teńge ǵana bolady. Biyl 5 myń azamat memleketten grant alyp, jas kásipker atandy. Aldaǵy 3 jyl ishinde olardyń sany 30 myńǵa deiin kóbeiedi. Osyǵan orai respýblikalyq biýdjetten qosymsha 5 mlrd teńgege jýyq qarjy bólemiz. Munan bólek 10 myń jas biznesmen shaǵyn nesieniń arqasynda óz óndirisin keńeitti. Sonyń basym kópshiligi aýdan jáne aýyl turǵyndaryna arnaldy. Bul bastamalar «Diplommmen aýylǵa» baǵdarlamasyna jańa serpin berdi», - dedi Q.Toqaev.
Memleket basshysy aýyldy órkendetýge úles qosqysy keletin jastarǵa 6 myńnan astam járdemaqy, baspana alý úshin 4 myńǵa jýyq nesie berilgenin atap ótti.
«Qurylys otriadtary jandanyp, 2 myńdai stýdent jumyspen qamtyldy. Osy jyly qolǵa alynǵan bastamalardyń bári orta merzimge arnalǵan. «Jas kásipker» jáne «Jas maman» jobalary «Eńbek» memlekettik baǵdarlamasyna engizilip, qajetti qarjy bólindi», - dedi QR Prezidenti.
