جاستار كەسٸپكەرلٸگٸن دامىتۋعا بيۋدجەتتەن قوسىمشا 5 ملرد تەڭگە بٶلٸنەدٸ. بۇل تۋرالى بٷگٸن جاستار جىلىنىڭ جابىلۋ جەنە ۆولونتەر جىلىنىڭ اشىلۋ سالتاناتىندا مەملەكەت باسشىسى قاسىم-جومارت توقاەۆ ايتتى, دەپ حابارلايدى قازاقپارات.
قر پرەزيدەنتٸ تۇرعىن ٷي, جۇمىسپەن قامتۋ, ساپالى ەرٸ قولجەتٸمدٸ بٸلٸم بەرۋ ٸسٸ قولعا الىنعانىن ايتتى. ەلٸمٸزدٸڭ ٸرٸ قالالارىندا جۇمىسشى جاستارعا 9 مىڭ پەتەر بەرۋ تۋرالى شەشٸم قابىلدانعانىن ەسكە سالدى.
«ونى جالعا الۋ قۇنى ايىنا 15 مىڭ تەڭگە عانا بولادى. بيىل 5 مىڭ ازامات مەملەكەتتەن گرانت الىپ, جاس كەسٸپكەر اتاندى. الداعى 3 جىل ٸشٸندە ولاردىڭ سانى 30 مىڭعا دەيٸن كٶبەيەدٸ. وسىعان وراي رەسپۋبليكالىق بيۋدجەتتەن قوسىمشا 5 ملرد تەڭگەگە جۋىق قارجى بٶلەمٸز. مۇنان بٶلەك 10 مىڭ جاس بيزنەسمەن شاعىن نەسيەنٸڭ ارقاسىندا ٶز ٶندٸرٸسٸن كەڭەيتتٸ. سونىڭ باسىم كٶپشٸلٸگٸ اۋدان جەنە اۋىل تۇرعىندارىنا ارنالدى. بۇل باستامالار «ديپلومممەن اۋىلعا» باعدارلاماسىنا جاڭا سەرپٸن بەردٸ», - دەدٸ ق.توقاەۆ.
مەملەكەت باسشىسى اۋىلدى ٶركەندەتۋگە ٷلەس قوسقىسى كەلەتٸن جاستارعا 6 مىڭنان استام جەردەماقى, باسپانا الۋ ٷشٸن 4 مىڭعا جۋىق نەسيە بەرٸلگەنٸن اتاپ ٶتتٸ.
«قۇرىلىس وتريادتارى جاندانىپ, 2 مىڭداي ستۋدەنت جۇمىسپەن قامتىلدى. وسى جىلى قولعا الىنعان باستامالاردىڭ بەرٸ ورتا مەرزٸمگە ارنالعان. «جاس كەسٸپكەر» جەنە «جاس مامان» جوبالارى «ەڭبەك» مەملەكەتتٸك باعدارلاماسىنا ەنگٸزٸلٸپ, قاجەتتٸ قارجى بٶلٸندٸ», - دەدٸ قر پرەزيدەنتٸ.
