Prezidenttik jastar kadr rezervine engen Bekjan Mýhidinuly Álimkulov QR Energetika ministrligi Atomdyq jáne energetikalyq qadaǵalaý men baqylaý komitetiniń Túrkistan oblysy boiynsha aýmaqtyq departamentiniń basshysy bolyp taǵaiyndaldy, dep habarlaidy "Ult aqparat".
Jas kezinen-aq halyq igiligine qyzmet etýge baryn salǵan Bekjan Álimkulovtyń eńbek joly «Qazaqstan temir joly» aktsionerlik qoǵamy salasynda quqyqtyq qyzmet kórsetýden bastalyp, elimizdiń bas qalasynda iri qurylys ónerkásipornyn ashýmen jalǵasqan.
Memlekettik «Daryn» syilyǵynyń laýreaty, «Zhas Otan» Jastar qanaty» qoǵamdyq birlestiktigi ortalyq keńesiniń múshesi, «Nur Otan» filialynyń kásipkerlikti qoldaý jónindegi keńes múshesi.
«Birneshe tildi erkin meńgerip, Germaniianyń Federaldyq ekonomika jáne Energetika ministrligi uiymdastyrǵan basqarýshy kadrlardy daiarlaý baǵdarlamasy boiynsha taǵylymdamadan ótken jas basshy óziniń ómirlik kredosyn týǵan eli úshin jaqsylyq jasaýmen bailanystyrady», - delingen QR Memlekettik qyzmet isteri agenttigi Túrkistan oblysy boiynsha departamentiniń aqparatynda.
