Jastar Jas Otan-ǵa qanshalyqty senedi – uiym tóraǵasynyń jaýaby

Jastar Jas Otan-ǵa qanshalyqty senedi? Bul suraqqa uiymnyń tóraǵasy Elnur Beisenbaev jaýap berdi, dep habarlaidy QazAqparat.

«Jas Otan – jastardyń iri uiymdarynyń biri. Onyń quramynda myqty da maqtaýly azamattar kóp. Bizdiń búkil óńirde filialymyz bar. Jas Otan uiymynyń jumysyn túsine bermeitin kóp adamdar biz týraly «bir kúndik sharýamen ainalysyp júr» dep te aitady. Biraq olai emes. Bizde jastarǵa qyzyqty bolatyn baǵdarlama jeterlik. Sonyń biri – «Jastar - Otanǵa!». Ol 2 millionǵa jýyq adamdy qamtidy. Biz ol baǵdarlama aiasynda shynaiy jumyspen jastarǵa kómek, qoldaý kórsetemiz», - dedi Elnur Beisenbaev OKQ-da ótken baspasóz máslihatynda. 

Onyń aitýynsha, Jas Otan jastar úshin áleýmettik liftke ainalǵan. 

«Jas Otan uiymyna múshe jastardyń kóbi qazir memlekettik qyzmette, ulttyq kompaniialarda júr. Kez kelgen azamat júgingen jaǵdaida biz oǵan kómektesýge daiynbyz», - dedi ol. 

Eske sala ketsek, Elnur Beisenbaev búgingi baspasóz máslihatta uiymnyń 2025 jylǵa deiingi «Jastar - Otanǵa!» baǵdarlamasyn tanystyrǵan bolatyn. 

Onyń aitýynsha, baǵdarlama bes baǵyttan turady. Birinshisi – azamattyq belsendilik, ekinshisi – sapaly bilim, úshinshisi – jumysqa ornalasý jáne jumyspen qamtý, tórtinshi – jas otbasylardy baspanamen qamtý jáne qoljetimdi baspana, besinshisi – tulǵalyq damý jáne bos ýaqytty tiimdi ótkizý.