Qala ákimshiliginiń májilis zalynda shahar ákiminiń orynbasary Ǵ.Rysbekov tóraǵalyq etken jinalys ótti. Onda negizgi qaralǵan másele - dini turaqtylyq jáne kámelettik jasqa tolmaǵan jetkinshekter arasynda quqyq buzýshylyqtardyń oryn alýy. Kezdesýge prokýratýra, politsiia jáne arnaýly oqý oryndarynyń qyzmetkerleri men teologtar qatysty, dep habarlaidy "Ult aqparat".
Jyl basynan beri dini ekstremizmniń aldyn alý maqsatynda 194 kezdesý ótkizilgen. Jergilikti BAQ-ta din salasy boiynsha aqparattyq-túsindirý maqsatynda 302 maqala jariialandy. Onda destrýktivti aǵymdardyń is-áreketinen saqtandyrý, zaiyrlylyq uǵymy, hidjab máselesi keńinen aitylǵan. Mundaǵy atqarylyp jatqan isterdiń jai-japsaryn ishki saiasat bóliminiń bas mamany M.Qaleke aityp ótti.
Sonymen birge, jastar resýrstyq ortalyǵynyń áleýmettik-psihologiialyq súiemeldeý sektorynyń meńgerýshisi G.Baitileýovanyń baiandaýynsha, turmystaǵy zorlyq-zombylyq jáne sonyń nátijesinde japa shekken jandarǵa áleýmettik-psihologiialyq qyzmet kórsetý boiynsha da birqatar ister qaralǵan.
Jiynnyń kelesi máselesi kámeletke tolmaǵandardyń tártibi men qoǵamdaǵy róli taqyrybynda jalǵasyn tapty. Búginde, jasóspirimderdiń túngi ýaqytta kóshede júrýine qatysty 391 derek tirkelip, ata-analaryna eskertý jasalǵan. Qalalyq politsiia basqarmasy jergilikti politsiia qyzmetiniń iývenaldy politsiia tobynyń aǵa ýchaskelik politsiia inspektory Q.Rahman jasaǵan málimdemesi boiynsha, ókinishke orai, 2017 jyl men qazirgi ýaqytty salystyrǵanda balalar arasyndaǵy qylmystar sany ósken.
Dene shynyqtyrý jáne sport bóliminiń basshysy Q.Aidarbekov qazirgi tańda jasóspirimder arasynda basketboldan týrnir ótip jatqanyn jáne jastardy atalǵan is-sharalarǵa tartý men jattyqtyrýǵa erekshe kúsh salynǵandyǵyn aitty. Tárbie jumystary boiynsha da kóptegen kezdesýler ótkizilgen.
Jalpy, órship turǵan buzaqylyqtardyń qoǵam arasyndaǵy sanyn azaityp, tosqaýyl qoiýǵa áli de úlken ister atqarylmaq. El bolashaǵynan úmit kúttirer jas jetkinshekterdiń qazirgi jai-kúii árbir jandy alańdatpai qoimas. Osy negizde, mundai kezdesýlerdiń aldaǵy ýaqytta aiyna eki ret ótkizilýi josparlanýda.
