Almaty oblysynyń politseileri aqpan aiynyń 22-26 kúnderi oblys aýmaǵynda «Jasóspirim» jedel aldyn alý is-sharasyn júrgizýde, dep habarlaidy "Ult aqparat".
Arnaiy sharanyń basty maqsaty – jasóspirimder arasyndaǵy quqyq buzýshylyq pen qylmystardyń aldyn alý, olardyń quqyǵyn qorǵaý.
«Atalǵan sharanyń alǵashqy kúni 250 ákimshilik quqyq buzýshylyq anyqtadyq. Túsindirý jumystaryn júrgizip, tiisti ákimshilik hattama toltyrý úshin 225 jasóspirim ishki ister organdaryna jetkizildi. Onyń ishinde kámilettik jasqa tolmaǵan balanyń túngi mezgilde úiinen tys jerde jeke júrýi, olardyń oiyn-saýyq oryndaryna barýy, olarǵa temeki jáne ishimdik ónimderin satý jáne taǵy basqa derekteri bar. Bala tárbiesine atústi qaraǵan 23 adamǵa hattama toltyrylyp, aiyppul salyndy. 6 jasóspirim ýaqytsha beiimdeý ortalyǵyna jetkizildi»,- dedi oblystyq PD JPQB aǵa inspektory politsiia podpolkovnigi Medet Qunanbaev.
Tártip saqshylary 29 is materialdaryn balalar quqyǵyn qorǵaityn arnaiy komissiianyń qaraýyna usynǵan. 38 jasóspirim men 27 qolaisyz otbasy arnaiy esepke qoiylyp, baqylaýǵa alyndy.
Politsiia ókiliniń aqparaty boiynsha, alǵashqy kúni quqyq qorǵaýshylar 315 kóńil kóterý ornyn teksergen. Olardyń qatarynda meiramhanalar men kafeler, kompiýterlik klýbtar, saýda oryndary jáne jertólede ornalasqan túrli oiyn-saýyq mekemeleri bar.
