Sońǵy kezde bizneste jasandy intellekt keńinen qoldanyla bastady. Osyǵan bailanysty tehnologiialar salasyna qatysty sarapshylardyń bir toby bul úrdis qalypty jumysty qalai ózgertetini týraly óz boljamyn jasady.
Olardyń pikirinshe, avtomattandyrý tehnologiialary adamdardy aýystyrý úshin emes, qyzmetkerlerdiń jumysyn jaqsartý úshin paidalanylýy kerek. Áitse de, mamandar jasandy intellekt jáne robottar sekildi tehnologiialar endirýde biraz qiyndyqtar bolatynyn eskertip otyr. Robottar qataryna olar baǵdarlamalyq jasaqtama jáne mashinalardy qosqan.
Robottar adamdardy aýystyra ala ma?
«Emotech» kompaniiasynyń quryltaishysy Chelsi Chen «robottar adamdardyń ornyn basatynyna kóp ýaiymdaýdyń qajeti joq, onyń ornyna jasandy intellektpen birlesip jumys isteýdiń jańa tásilderin izdeý kerek» deidi. Bul kompaniia adam sóziniń mazmunyn uǵyp, onyń kóńil-kúiin ańǵarýǵa tyrysatyn «Olly» daýys qurylǵysyn shyǵarady.
Chenniń aitýynsha, adam balasy tiri janǵa tán sezimderdi kompiýterden góri jaqsy ajyratady. Olli qurylǵysy da tutynýshynyń daýysyna qarai, kóńilin bile alady. Biraq bul júreginen shyqqan sezim emes, uzaq jattyǵýdan keiin igergen daǵdy. «Adamǵa mańyzdy kez kelgen jumysty robottarmen aýystyrý qiynǵa soǵady», - deidi ol.
«Red Commerce» kompaniiasynyń tehnologiialyq ózgerister boiynsha menedjeri Maný Dell'Akvilanyń pikirinshe, qyzmetkerlerdi negizgi mindetinen alańdatatyn isterdi mashinalarǵa tapsyrý qajet. Ákimshilik jumystardy avtomattandyrý qyzmetkerlerdiń eńbegin tiimdi paidalanýǵa múmkindik beredi.
Biraq kei jaǵdaida avtomattandyrý adamdardy rasynda da jumyssyz qaldyrýy yqtimal. Máselen, ózdigimen júretin kólikter kásibi júrgizýshilerdi aýystyrýy ábden múmkin. Tipti keibir mekemelerde qyzmetkerler ózderin aýystyratyn kompiýterlik baǵdarlamalardy ózderi jattyqtyrýy da yqtimal. «Jeke ózim áriptestermen birlesip, avtomattandyrýdy endirý arqyly tolyqqandy eńbek etýge jaǵdai jasaǵym keledi», - deidi Maný Dell'Akvila.
Bizneske mańyzdy isterdi robottarǵa tapsyrýǵa bola ma?
Qaýipsizdik máselelerimen ainalysatyn «Quant Network» kompaniiasynyń atqarýshy direktory Sesiliia Harvi bank salasyndaǵy jiyrma jyldyq tájiribesine súienip, avtomattandyrylǵan júieler mańyzdy úderisterdi basqara alatynyna kúmán keltiredi. Onyń aitýynsha, tehnologiialardy jetkizýshi kásiporyndardyń ókilderi ónimderi jumys tiimdiligin arttyryp, qarjy únemdeitini týraly aýyz toltyryp aitady. Biraq sonymen qatar sátsiz sheshimder qabyldaý qaýpi artatyny týraly tis jarmaidy.
Harvidiń aitýynsha, «adam bolsyn, robot bolsyn, bári qatelesedi». Sol sebepten basty nazardy ishki úderisterdi avtomattandyrýǵa bólý qajet. Mundaǵy olqylyqtar eleýli máselelerge ákelmeidi. «Al tutynýshylarǵa keri áser tigizý nemese baqylaýshy uiymdar jaǵynan jazaǵa ákelý qaýpi bolǵan jaǵdaida, jasandy intellekt qoldanýdan aýlaq júrer edim», - deidi Harvi. Mundai qatelikter firma bedeline kir keltirip, zor shyǵynǵa batyrýy yqtimal.
Dybystap aitylǵan sózderdi jazbasha túrge beiimdeitin «Trint» qyzmeti ónimder bóliminiń basshysy Alaster Jardin jasandy intellekt júielerin jasaýǵa qajet derekterge qatysty qaterler bar ekenin málimdedi. Ádette óz júielerin damytý úshin olar dybys taspalary men jazbasha túrdegi úlken kólemdi derekterdi qoldanady. «Biz úiretý úshin qoldanyp júrgen derekterimizge senimdi bolýymyz tiis», - deidi Jardin. Máselen, avtomattandyrylǵan transkriptsiia qyzmetin úiretken derekterde boǵaýyz sózder bolsa, júie olardy jumysta qoldanýy múmkin.
Jardinnyń aitýynsha, jasandy intellekt júielerin úiretetin derekterge bailanysty jeke málimetterdiń qupiialyǵy men etikalyq turǵydaǵy máseleler týyndaǵan. Amazon jáne Google sekildi tehnologiialyq alpaýyttar ózderinde jinalatyn aqparattyń basym bóligin úiretýshi derekter retinde qoldanyp keledi. «Amazon dybysty derekter jinaýda qupiialyqty saqtaýǵa durys kóńil bólmegeni alańdatady. Google da tap osyndai ispen ainalysady. Olar ruqsatymyzdy almai, algoritmderin úiretý úshin bizdiń jeke derekterimizdi paidalanady», - deidi ol.
Tolyq jariialylyq qajet
Tutynýshylar adamdarmen álde kompiýterlik baǵdarlamamen qarym-qatynasta otyrǵanyn bilýi tiis. Sarapshylardyń barlyǵy osyndai ortaq pikirge keldi. «Men tolyq aqparattyń jariialanýyn jáne tutynýshylar robotpen sóilesip otyrǵanyn bilý kerektigin únemi qoldap kelemin», - deidi Harvi.
Áli talai másele sheshý qajettigine qaramastan, sarapshylar aldaǵy bes jylǵa mol úmit artyp otyr. Harvidiń aitýynsha, jasandy intellekt júielerin qoldaný kásiporyndardaǵy eńbek jaǵdaiyn jaqsartady. Máselen, chat-bot kún saiyn qyzmetkerlerdi jumysynda ne unamaitynyn surap turady. Jardin arnaiy mamandardyń kómeginsiz, qyzmetkerlerdiń ózderi jasandy intellekt júielerin jumys oryndarynda ornata bastaitynyn kútip otyr. Chenniń aitýynsha, avtomattandyrylǵan júiege kóp tutynýshy qosylyp, shyǵyn azaiýyna bailanysty, mekemeler búkil álem boiynsha halyqty sapaly meditsina men bilimmen qamtý úshin jasandy intellekt júielerin qoldana alady.
Dell'Akvila mundai tehnologiialardy qyzmetkerlerin jumystan shyǵarýdy emes, óz kásibin keńeitýdi kózdeitin kásiporyndar endiretinin atap ótti. «Kásipkerler bilik nemese tehnologiialyq toptardyń qysymymen emes, óz nietimen jasandy intellekt revoliýtsiiasyn ótkizgenin qalaimyn», - deidi ol.
Maqalanyń túpnusqasy: theguardian.com
