سوڭعى كەزدە بيزنەستە جاساندى ينتەللەكت كەڭٸنەن قولدانىلا باستادى. وسىعان بايلانىستى تەحنولوگييالار سالاسىنا قاتىستى ساراپشىلاردىڭ بٸر توبى بۇل ٷردٸس قالىپتى جۇمىستى قالاي ٶزگەرتەتٸنٸ تۋرالى ٶز بولجامىن جاسادى.
ولاردىڭ پٸكٸرٸنشە, اۆتوماتتاندىرۋ تەحنولوگييالارى ادامداردى اۋىستىرۋ ٷشٸن ەمەس, قىزمەتكەرلەردٸڭ جۇمىسىن جاقسارتۋ ٷشٸن پايدالانىلۋى كەرەك. ەيتسە دە, ماماندار جاساندى ينتەللەكت جەنە روبوتتار سەكٸلدٸ تەحنولوگييالار ەندٸرۋدە بٸراز قيىندىقتار بولاتىنىن ەسكەرتٸپ وتىر. روبوتتار قاتارىنا ولار باعدارلامالىق جاساقتاما جەنە ماشينالاردى قوسقان.
روبوتتار ادامداردى اۋىستىرا الا ما?
«Emotech» كومپانيياسىنىڭ قۇرىلتايشىسى چەلسي چەن «روبوتتار ادامداردىڭ ورنىن باساتىنىنا كٶپ ۋايىمداۋدىڭ قاجەتٸ جوق, ونىڭ ورنىنا جاساندى ينتەللەكتپەن بٸرلەسٸپ جۇمىس ٸستەۋدٸڭ جاڭا تەسٸلدەرٸن ٸزدەۋ كەرەك» دەيدٸ. بۇل كومپانييا ادام سٶزٸنٸڭ مازمۇنىن ۇعىپ, ونىڭ كٶڭٸل-كٷيٸن اڭعارۋعا تىرىساتىن «Olly» داۋىس قۇرىلعىسىن شىعارادى.
چەننٸڭ ايتۋىنشا, ادام بالاسى تٸرٸ جانعا تەن سەزٸمدەردٸ كومپيۋتەردەن گٶرٸ جاقسى اجىراتادى. وللي قۇرىلعىسى دا تۇتىنۋشىنىڭ داۋىسىنا قاراي, كٶڭٸلٸن بٸلە الادى. بٸراق بۇل جٷرەگٸنەن شىققان سەزٸم ەمەس, ۇزاق جاتتىعۋدان كەيٸن يگەرگەن داعدى. «ادامعا ماڭىزدى كەز كەلگەن جۇمىستى روبوتتارمەن اۋىستىرۋ قيىنعا سوعادى», - دەيدٸ ول.
«Red Commerce» كومپانيياسىنىڭ تەحنولوگييالىق ٶزگەرٸستەر بويىنشا مەنەدجەرٸ مانۋ دەلل'اكۆيلانىڭ پٸكٸرٸنشە, قىزمەتكەرلەردٸ نەگٸزگٸ مٸندەتٸنەن الاڭداتاتىن ٸستەردٸ ماشينالارعا تاپسىرۋ قاجەت. ەكٸمشٸلٸك جۇمىستاردى اۆتوماتتاندىرۋ قىزمەتكەرلەردٸڭ ەڭبەگٸن تيٸمدٸ پايدالانۋعا مٷمكٸندٸك بەرەدٸ.
بٸراق كەي جاعدايدا اۆتوماتتاندىرۋ ادامداردى راسىندا دا جۇمىسسىز قالدىرۋى ىقتيمال. مەسەلەن, ٶزدٸگٸمەن جٷرەتٸن كٶلٸكتەر كەسٸبي جٷرگٸزۋشٸلەردٸ اۋىستىرۋى ەبدەن مٷمكٸن. تٸپتٸ كەيبٸر مەكەمەلەردە قىزمەتكەرلەر ٶزدەرٸن اۋىستىراتىن كومپيۋتەرلٸك باعدارلامالاردى ٶزدەرٸ جاتتىقتىرۋى دا ىقتيمال. «جەكە ٶزٸم ەرٸپتەستەرمەن بٸرلەسٸپ, اۆتوماتتاندىرۋدى ەندٸرۋ ارقىلى تولىققاندى ەڭبەك ەتۋگە جاعداي جاساعىم كەلەدٸ», - دەيدٸ مانۋ دەلل'اكۆيلا.
بيزنەسكە ماڭىزدى ٸستەردٸ روبوتتارعا تاپسىرۋعا بولا ما?
قاۋٸپسٸزدٸك مەسەلەلەرٸمەن اينالىساتىن «Quant Network» كومپانيياسىنىڭ اتقارۋشى ديرەكتورى سەسيلييا حارۆي بانك سالاسىنداعى جيىرما جىلدىق تەجٸريبەسٸنە سٷيەنٸپ, اۆتوماتتاندىرىلعان جٷيەلەر ماڭىزدى ٷدەرٸستەردٸ باسقارا الاتىنىنا كٷمەن كەلتٸرەدٸ. ونىڭ ايتۋىنشا, تەحنولوگييالاردى جەتكٸزۋشٸ كەسٸپورىنداردىڭ ٶكٸلدەرٸ ٶنٸمدەرٸ جۇمىس تيٸمدٸلٸگٸن ارتتىرىپ, قارجى ٷنەمدەيتٸنٸ تۋرالى اۋىز تولتىرىپ ايتادى. بٸراق سونىمەن قاتار سەتسٸز شەشٸمدەر قابىلداۋ قاۋپٸ ارتاتىنى تۋرالى تٸس جارمايدى.
حارۆيدٸڭ ايتۋىنشا, «ادام بولسىن, روبوت بولسىن, بەرٸ قاتەلەسەدٸ». سول سەبەپتەن باستى نازاردى ٸشكٸ ٷدەرٸستەردٸ اۆتوماتتاندىرۋعا بٶلۋ قاجەت. مۇنداعى ولقىلىقتار ەلەۋلٸ مەسەلەلەرگە ەكەلمەيدٸ. «ال تۇتىنۋشىلارعا كەرٸ ەسەر تيگٸزۋ نەمەسە باقىلاۋشى ۇيىمدار جاعىنان جازاعا ەكەلۋ قاۋپٸ بولعان جاعدايدا, جاساندى ينتەللەكت قولدانۋدان اۋلاق جٷرەر ەدٸم», - دەيدٸ حارۆي. مۇنداي قاتەلٸكتەر فيرما بەدەلٸنە كٸر كەلتٸرٸپ, زور شىعىنعا باتىرۋى ىقتيمال.
دىبىستاپ ايتىلعان سٶزدەردٸ جازباشا تٷرگە بەيٸمدەيتٸن «Trint» قىزمەتٸ ٶنٸمدەر بٶلٸمٸنٸڭ باسشىسى الاستەر جاردين جاساندى ينتەللەكت جٷيەلەرٸن جاساۋعا قاجەت دەرەكتەرگە قاتىستى قاتەرلەر بار ەكەنٸن مەلٸمدەدٸ. ەدەتتە ٶز جٷيەلەرٸن دامىتۋ ٷشٸن ولار دىبىس تاسپالارى مەن جازباشا تٷردەگٸ ٷلكەن كٶلەمدٸ دەرەكتەردٸ قولدانادى. «بٸز ٷيرەتۋ ٷشٸن قولدانىپ جٷرگەن دەرەكتەرٸمٸزگە سەنٸمدٸ بولۋىمىز تيٸس», - دەيدٸ جاردين. مەسەلەن, اۆتوماتتاندىرىلعان ترانسكريپتسييا قىزمەتٸن ٷيرەتكەن دەرەكتەردە بوعاۋىز سٶزدەر بولسا, جٷيە ولاردى جۇمىستا قولدانۋى مٷمكٸن.
جارديننىڭ ايتۋىنشا, جاساندى ينتەللەكت جٷيەلەرٸن ٷيرەتەتٸن دەرەكتەرگە بايلانىستى جەكە مەلٸمەتتەردٸڭ قۇپييالىعى مەن ەتيكالىق تۇرعىداعى مەسەلەلەر تۋىنداعان. Amazon جەنە Google سەكٸلدٸ تەحنولوگييالىق الپاۋىتتار ٶزدەرٸندە جينالاتىن اقپاراتتىڭ باسىم بٶلٸگٸن ٷيرەتۋشٸ دەرەكتەر رەتٸندە قولدانىپ كەلەدٸ. «Amazon دىبىستى دەرەكتەر جيناۋدا قۇپييالىقتى ساقتاۋعا دۇرىس كٶڭٸل بٶلمەگەنٸ الاڭداتادى. Google دا تاپ وسىنداي ٸسپەن اينالىسادى. ولار رۇقساتىمىزدى الماي, الگوريتمدەرٸن ٷيرەتۋ ٷشٸن بٸزدٸڭ جەكە دەرەكتەرٸمٸزدٸ پايدالانادى», - دەيدٸ ول.
تولىق جارييالىلىق قاجەت
تۇتىنۋشىلار ادامدارمەن ەلدە كومپيۋتەرلٸك باعدارلامامەن قارىم-قاتىناستا وتىرعانىن بٸلۋٸ تيٸس. ساراپشىلاردىڭ بارلىعى وسىنداي ورتاق پٸكٸرگە كەلدٸ. «مەن تولىق اقپاراتتىڭ جارييالانۋىن جەنە تۇتىنۋشىلار روبوتپەن سٶيلەسٸپ وتىرعانىن بٸلۋ كەرەكتٸگٸن ٷنەمٸ قولداپ كەلەمٸن», - دەيدٸ حارۆي.
ەلٸ تالاي مەسەلە شەشۋ قاجەتتٸگٸنە قاراماستان, ساراپشىلار الداعى بەس جىلعا مول ٷمٸت ارتىپ وتىر. حارۆيدٸڭ ايتۋىنشا, جاساندى ينتەللەكت جٷيەلەرٸن قولدانۋ كەسٸپورىندارداعى ەڭبەك جاعدايىن جاقسارتادى. مەسەلەن, چات-بوت كٷن سايىن قىزمەتكەرلەردٸ جۇمىسىندا نە ۇنامايتىنىن سۇراپ تۇرادى. جاردين ارنايى مامانداردىڭ كٶمەگٸنسٸز, قىزمەتكەرلەردٸڭ ٶزدەرٸ جاساندى ينتەللەكت جٷيەلەرٸن جۇمىس ورىندارىندا ورناتا باستايتىنىن كٷتٸپ وتىر. چەننٸڭ ايتۋىنشا, اۆتوماتتاندىرىلعان جٷيەگە كٶپ تۇتىنۋشى قوسىلىپ, شىعىن ازايۋىنا بايلانىستى, مەكەمەلەر بٷكٸل ەلەم بويىنشا حالىقتى ساپالى مەديتسينا مەن بٸلٸممەن قامتۋ ٷشٸن جاساندى ينتەللەكت جٷيەلەرٸن قولدانا الادى.
دەلل'اكۆيلا مۇنداي تەحنولوگييالاردى قىزمەتكەرلەرٸن جۇمىستان شىعارۋدى ەمەس, ٶز كەسٸبٸن كەڭەيتۋدٸ كٶزدەيتٸن كەسٸپورىندار ەندٸرەتٸنٸن اتاپ ٶتتٸ. «كەسٸپكەرلەر بيلٸك نەمەسە تەحنولوگييالىق توپتاردىڭ قىسىمىمەن ەمەس, ٶز نيەتٸمەن جاساندى ينتەللەكت رەۆوليۋتسيياسىن ٶتكٸزگەنٸن قالايمىن», - دەيدٸ ول.
ماقالانىڭ تٷپنۇسقاسى: theguardian.com
