* 2 maýsymda Prezident Nursultan Nazarbaev «Baiqońyr» ǵarysh kesheniniń 50 jyldyq mereitoiyna bailanysty uiymdastyrylǵan merekelik sharalarǵa qatysý úshin arnaiy saparmen Baiqońyr qalasynda boldy. Shara barysynda Elbasy Resei Prezidenti V.Pýtinmen birge «Baiqońyr» ǵarysh kesheniniń jumysymen tanysty. Bul týraly «Egemen Qazaqstan» gazetiniń 3 maýsym kúngi nómirinde «Baiqońyr – dostyq dánekeri» taqyrybynda maqala jariialandy.
* 6 maýsymda Memleket basshysy Nursultan Nazarbaev Qazaqstanǵa jeke saparmen kelgen Abý-Dabidiń murager bekzadasy Sheih Muhammed ben Zaid Ál Nahaiandy qabyldady. Áńgime barysynda taraptar arab biznes qurylymdarynyń Qazaqstan Respýblikasynyń 2003-2015 jyldarǵa arnalǵan indýstriialyq-innovatsiialyq damý strategiiasyn iske asyrýǵa qatysýy máselelerin qozǵady. Sondai-aq, Nursultan Nazarbaev BAÁ Prezidenti Sheih Halif ben Zaid Ál Nahaianǵa ystyq yqylasty tilektestigin aityp, Qazaqstanǵa resmi saparmen kelýge shaqyrdy.
* 8 maýsymda Elbasy Nursultan Nazarbaev Syrtqy ister ministrliginiń keńeitilgen alqa májilisinde diplomatiialyq korpýstyń bes jyldyq jumysyn qorytyp, jańa mindetterin belgiledi.
* 9 maýsymda Elbasy Nursultan Nazarbaevtyń «Eýraziia júreginde» kitabynyń tusaýkeseri ótti.
* 17 maýsymda Memleket basshysy Nursultan Nazarbaev Qaraǵandyda Prezident janyndaǵy Sheteldik investorlar keńesiniń 13-shi otyrysyna qatysty.
* 21 maýsymda Máskeýde Prezident Nursultan Nazarbaevtyń qatysýymen EýrAzEQ qatysýshy memleketter basshylarynyń Memleketaralyq keńesiniń otyrysy ótti.
* 24 maýsymda Máskeýde Ujymdyq qaýipsizdik jónindegi shart uiymy (UQShU) Ujymdyq qaýipsizdik keńesiniń memleketter basshylary deńgeiindegi kezekti otyrysy boldy. Onyń jumysyna Elbasy Nursultan Nazarbaev qatysty.
* 3 shildede Qazaqstanǵa resmi saparmen QHR Tóraǵasy Hý Tszintao keldi. Qonaqty Memleket basshysy Nursultan Nazarbaev qabyldady. Ekijaqty kelissózder nátijesinde segiz qujatqa qol qoiyldy. Olardyń arasynda Qazaqstan Respýblikasy men Qytai Halyq Respýblikasynyń strategiialyq áriptestigin qalyptastyrý jáne damytý jónindegi birlesken deklaratsiia da bar. Bul tarihi mańyzdy qujatqa Nursultan Nazarbaev pen Hý Tszintao qol qoidy.
* 5 shildede Astanada Shanhai yntymaqtastyq uiymyna qatysýshy memleketter basshylary keńesiniń 10-shy otyrysy ótti. Otyrys barysynda Pákstanǵa, Iranǵa jáne Úndistanǵa ShYU janyndaǵy baqylaýshy mártebesi berildi.
* 7 shildede Astanada Elbasy Nursultan Nazarbaev pen Resei Prezidenti Vladimir Pýtinniń qatysýymen otyn-energetika keshenine qatysty ekijaqty kelisimderge qol qoiyldy.
* 8 shildede Elbasy Nursultan Nazarbaev «Qazaqstan Respýblikasynyń Áskeri mindettilik jáne áskeri qyzmet týraly» Zańǵa qol qoidy.
* 13 tamyzda Elbasy Almaty oblysyndaǵy Qarasaz óńirinde ótken Raiymbek batyrdyń 300 jyldyq mereitoiyna qatysty.
* 26 tamyzda Qazaqstan Prezidenti Nursultan Nazarbaev Qazan qalasynyń 1000 jyldyǵyna orailastyrylǵan TMD memleketteri basshylarynyń sammitine jáne halqymyzdyń rýhani ómirinde zor ról atqaratyn shahardyń mereitoiyna qatysý úshin Tatarstan Respýblikasyna bardy.
* 27 qyrkúiekte Dýshanbede Ortalyq Aziia yntymaqtastyǵy uiymyna qatysýshy memleketter Premer-ministrleri keńesiniń birinshi otyrysy ótti.
* 28-29 qyrkúiek kúnderi Dúniejúzi qazaqtarynyń III quryltaiy bolyp ótti. Álemniń 32 elinen kelgen qandastarymyz táýelsizdik jyldarynda Qazaqstan qol jetkizgen tolaǵai tabystarǵa qanyǵyp, jańa elordamyz – Astananyń ósip-órkendegen kelbetin kórdi. Quryltai delegattary dúnie júzine shashyrap ketken qazaqtardyń máselelerin jan-jaqty talqylap, Elbasy Nursultan Nazarbaevtyń tolǵaqty oilar men tolǵanysqa toly sózin tyńdady. III quryltai álem qazaqtary birlesýiniń jańa bir belesi bolyp qaldy.«Egemen Qazaqstan» gazetiniń 30 qyrkúiektegi nómirinde Elbasynyń III quryltaida sóilegen sózi «Qazaqstan qazir álem sanasatyn, álem syilaityn elge ainaldy» taqyrybymen jaryq kórdi.
* 2 qazanda Prezident Nursultan Nazarbaev Grýziiaǵa resmi saparmen bardy. Sapar barysynda Elbasy Grýziia Prezidenti M.Saakashvilimen jáne Grýziia Parlamentiniń tóraiymy N.Býrdjanadzemen kezdesti.
* 6 qazanda Sankt-Peterbýrgte Ortalyq Aziia yntymaqtastyǵy uiymyna qatysýshy memleketter basshylarynyń sammiti boldy. Jiynda atalǵan uiymdy EýrAzEQ-pen biriktirý týraly sheshim qabyldandy. Sharaǵa Prezident N.Á.Nazarbaev qatysty.
* 13 qazanda Astanaǵa Qyrǵyzstannyń Premer-ministri F.Kýlov jumys saparymen keldi. Ol Prezident N.Á.Nazarbaevpen, Premer-ministr D.Ahmetovpen, Parlament Senatynyń Tóraǵasy N.Ábiqaevpen kezdesti.
* 22 qazanda Elbasy Nursultan Nazarbaev «Qazaqstan Respýblikasy Tuńǵysh Prezidentiniń Memlekettik beibitshilik jáne progress syilyǵyn berý týraly» Jarlyqqa qol qoidy.
* 17-18 qarasha kúnderi Prezident N.Á.Nazarbaevtyń Ýkrainada resmi sapary ótti. Sapar barysynda Elbasy Ýkraina Prezidenti V.Iýshenkomen kezdesti.
* 2 jeltoqsanda Elbasy Nursultan Nazarbaev «Qazaqstan Respýblikasy men Resei Federatsiiasy arasyndaǵy Qazaqstan – Resei memlekettik shekarasy týraly shartty ratifikatsiialaý týraly» Zańǵa qol qoidy. Qazaqstan jáne Resei Prezidentteri Qazaqstan – Resei memlekettik shekarasyn delimitatsiialaý týraly shartty bekitý týraly zańdarǵa qol qoidy.
* 4 jeltoqsanda Qazaqstan prezidenttigine úmitkerlerdiń sailaýy ótti. Sailaý nátijesinde Nursultan Nazarbaev aiqyn basymdyqpen jeńiske jetti.
* 15 jeltoqsanda Memleket basshysy Nursultan Nazarbaev el Táýelsizdiginiń 14 jyldyǵyna orai qabyldaý jasady. Oǵan Parlament depýtattary, ministrlikter men vedomstvolardyń jetekshileri, mádeniet jáne óner qairatkerleri, bilim jáne ǵylym salasynyń tanymal ókilderi qatysty.
.jpeg)